Det Woni Bin

D'Ärde dreit sich zur Sunne
Und mir freued eus, wänn wider öppis gaht
Mir mached all die schöne Sache, wo mer macht
Wänn d'Sunne wider lacht
Alles neu und alles nöd zum erste Mal
Mir gäbed s'Beste, will mer gar nöd andersch chönnd
Alles andersch isch nur andersch und nöd besser als
Ebe

Denn stiigi us aber wohi söll ich nur gah
Und wänni duss bin, bini immerno da
Läbe muesi und denn bini wider drin
Drum bliibi lieber det woni bin

Ich chönnti gah as andre Ändi vo de Wält
Aber d'Sehnsucht woni han, chunnt au mit
Da chani mache wasi wott, chan mich verstecke au vor Gott
Sie haltet Schritt
Erfüllti Wünsch ziehnd di nächste hindedrii
Das isch de Chreis und dä wird immer so sii
Ich han Hunger, stopf mich voll, wird gliich nöd satt
Und ich warte

Denn stiigi us aber wohi söll ich nur gah
Und wänni duss bin, bini immerno da
Läbe muesi und denn bini wider drin
Drum bliibi lieber det woni bin

Det woni bin isch alls okee
Drum bliibi da, drum bliibi dra
Neumets andersch git's nur Glück für en Momänt
Im Momänt, wänn d'Sehnsucht wider brännt

Ich stiige us, bim nächste Bahnhof wider ih
So isch s'Läbe und s'wird immer immer eso sii
Hämmer Geduld oder haltemer's nur us

Denn stiigi us aber wohi söll ich nur gah
Und wänni duss bin, bini immerno da
Läbe muesi und denn bini wider drin
Drum bliibi lieber det woni bin