Rap Shinobi

Oh ich bin back mit me richtig fiese track
Lueg wien ich de beat zerfetz, was ich wohl demit bezweck?
Es het sich nüt verändert ussert dass ich jetzt bock han
Die ganze rhymes usezhaue won ich im chopf han

Mach die scheisse im chopfstand mit em fokus uf topstand
De tüfel söll sich vorseh, ich schlan zrugg wie die rot hand
Isch die ganzi welt mittlerwile im notstand
Wo füehrt das nur ane? denk ich wenn ich devor stand

Sorge schränked nur ih darum lahn ich sie gah
Will kei monotonie darum stahn ich jetzt da
No nie so sicher gsi, es gaht alles verbi
Au wenns dir nöd nöd so schint, morn isch au no en tag

Ich rappe nöd nur zum min chopf entlähre
Chan mir das nöd erchläre, isch nöd eifach son es hobby
Han kei zit zum ufgeh ich muess no witer ufnäh
Wirsch mich bald i de booth gseh, das isch min weg vom shinobi

Klinge bereit bin ready und step as mic
Bring hässig paar fetti lines id fressi, was hender gmeint?
Ich bin nonig fertig mini wort messerscharf
Uf eimal da wien es pop-up und trenne din chopf ab

Ich spitte die zile so schnell als wär ich de helli blitz
Wenn ich in dini auge blick gib ich dir visuelli trips
Ich gib nonig uf, wott de ort zwar nöd verlah aber muess gah
Im schatte verlore und trotzdem blib ich glasse
Die schatte beschwore, chasch mich liebe oder hasse

Mann ich mache kei mainstream shit
Und gibe drum au kein fick wenn du dir das nöd gisch
Fühle mich i mim teich so als wär ich de grössti fisch
Hau dich id pfanne weich als ob du e rösti bisch

Lueg emal wien ich abgohn zu dem beat da
Bringed all die baby rapper lieber id kita
Ich schribe mini text eifach so im verbigah
Beste stoff für die streets, nenned mich nikita

Wenn ich mal zit han denn bin ich nümme z'stoppe
Probiere ständig mich z'toppe, de shit isch heiss wie die trope
Bring kei lines für die tote doch kill mit rhymes die idiote
Wo meined sind philantrope doch hebed ab wie in chlote

Rap shinobi, bi mir triffsch is leere, tobi
Fühl mich wie broly cha das nöd erchläre homey
Es isch a de zit, bin fast scho zfriede demit
Sie seged nur goddammit, was ich da spit isch de shit

Klinge bereit bin ready und step as mic
Bring hässig paar fetti lines id fressi, was hender gmeint?
Ich bin nonig fertig mini wort messerscharf
Uf eimal da wien es pop-up und trenne din chopf ab

Ich spitte die zile so schnell als wär ich de helli blitz
Wenn ich in dini auge blick gib ich dir visuelli trips
Ich gib nonig uf, wott de ort zwar nöd verlah aber muess gah
Im schatte verlore und trotzdem blib ich glasse
Die schatte beschwore, chasch mich liebe oder hasse