Black Skull

الدنيا هادي مول لفول و حنايا ڤاع des victimes
جامي خطرة تقولك كول مام كان تشوفك يتيم
كي صابتني راجل cool معايا حبت تكون انتيم
نشكيلها بل old school حقي داه مول الكوستيم
حكايتي تقيسك في قلبك كي خويا كلام ف aliachi
كان يسمعها كاش مسؤول يجي معانا يبلغ كاشي
قدما نحكيلك و قليل پورطو لي ريم راهم غاشي
و ادا عندك قلب ضعيف معا la fin يكون مغاشي
لقرايا ماساعدتنيش عندها des années ملي فنات
ماشي كيما فالماريكان لي بيها حضارات بنات
هنا ل plaisir تع لپروف كي يضحك كامل لبنات
و لمديرة فوق لبيرو كيتمان و غنية بن شنات
فهاد son راني نحكي مشاكلنا فهاد البلاد
طريقنا راهي مضلمة ماتضواش مام بلي Led
فيها لي بايت جيعان و جارو يدير فعيد ميلاد
فيها لي قاعد chômeur و النساء ڤاع عاملات
لمعريفة دايرة حالة كيفاش حبيت جيب لمال
ماتقدرش تحمل الذل مام تكون خدام حمّال
إلا عندك des buts فحياتك حنا يقطعولك الأمال
مايحبوش ڤاع الرجال يحبو غير سارة و امال
الدولة غلقونا البوابات مي حنا زدمنا م النافذة
عل كيف فالسيلون تبات و cadeau عامين نافذة
فما كاريار راني حالف نعطيهم سطور مفيدة
اACAB و ماني خايف welcome في ساحة الفدا
زماني خلاني enfant جا لقاني مشعل ڤارو
غنايا نشعرو مل fond لي ريم في ماصة دارو
سومتي غالية مي الريال لفان قدامي يڤارو
قريب تشوفوها réal و يندمو ڤاع لي دارو
واحد ماحبني نضحك في حياتي غير الصوار
فبلاد السم راني عايش نتفكرها chaque soir
كان نزيد هنا عامين نجيف كيما la boule noir
نحن في زهرة الشباب مي قتلونا ڤاع النوار
لموسيقى غير plaisir نكتبها كي يحكمني lvid
لوكان جا عيني فل بوز ندير تيك توك نروح بعيد
لي vues تلقاهم يطلعو كتر مل إصابات تع كوفيد
بصح واش فايدة الشهرة بمحتوى ماشي مفيد
هنا بلاطاي دير لبوز كي العاهرة تع نومي**
كل يوم فوطو بل فيزو ولات سطار ف les médias
تلقاها فكامل les réseaux مام حتي فويكيبيديا
هادا يسموه فن الاغراء nnon no ماشي كوميديا
طفلة برا بل bikini تتخايل روحها حورية
ل corp تاعها كامل باين تنصحها تقولك حرية
الزين فالأخلاق و التربية و جامي كان فالتعرية
لخيمار ماينقص مل الجمال شوفي اميرة ريا
ميساج لمونية بن بغول دراڤاج ولا مالروتين
ريوڤنا مايسيلوش عليك سالو غير ف la cantine
نتيا ماشي مسطورة و تقولي علينا مكبوتين
تتحاسبي علا هدرتك كان جا حاكمنا بوتين
فبلاد الدين و الإلتزام و مايحكموش بالقصاص
سمعنا بحكاية chaima و مازال جايين القصص
ولات لقتيلة عادية هادي alger ولا texas
لحكم تاعها يموت مشنوق ولا قتلا يالرصاص
فرنسا هانت الرسول لازم يرد لي إستاطعة
سوكتنا على هاد الشي يعتبر خروج عالطاعة
نتعاونو حنايا المسلمين و نديرولهم مقاطعة
نحبسو ڤا منتاجتهم فكل ولاية و مقاطعة
راني نلحق دي ميساج لي ماتلقاهم فكتوب
مي يقعد الراب حرام و راو جاي نهار نتوب
بالاك هادو اخر سطور ماتعرف هادا مكتوب
حاب قبل مانعتزل نخلي هنا اسمي مكتوب
فلكتيبة انا ماشين مي خانوني المشاهدات
عندي les vues تع la chine مي البركة فالوحدات
كان جا الراب مؤسسة تلقا فلحيط الشهادات
موسيقتي مخصصة و ماراح تولي مل عادات
مانيش حاب نكون مشهور و نعمر بزاف صالات
ماشي كيما المنافقين لي بلي فان دارو حصالات
ل but كي نلحق لميساج و نهدي تارك الصلاة
مالڤري بيني و بين الدين تقطعونا الإتصالات
لغنية هادي تقيس ل cœur و فيها بزاف لي ميساح
وشمن فايدة يكون ل corp و شعرك ب Défrisage
وي عندي lyrics d'or مايحولوش ب digrisage
ياك قالوها الدنيا دور اشفاو برك عل le visage
نورمالمون مانسيت والو جبدت كامل التفاصيل
مديت des paroles شابين في راب عاصمي اصيل
حاربت لمايك بكلمات حتى وجعوني المفاصل
هادي ديروها م L'échauffement سنعود بعد الفاصل