Uf Mis Gfühl lose

Los mou i de ine
Kennsch das no?
Intuition

Weiss ned wenn dasi verlehrt ha uf mis Buchgfühl z lose
E glaub als chind hani das mou chöne
Aber aui säge der was ztue hesch was sellsch lohsi
Und was zum inepasse und debi si muesch mache und chöne
Se brenge dir bi eini vo vellne si
Ond trotzdem hend aui freud wenn öpis extrem guet chasch
Sofärn nüt esoterischs odr unfassbars esch, am Rande vo unnötige Gfühlsduslereie
Hey dänk mou dröber noche nome rasch
Wie oft hesch gfühlt was gfühlt hesch aber heschs niemerm chöne säge
Hesch wele gränne, hesch di wele abwände
Hesch all die signal gsändet aber se hends ignoriert
Me het der wele bibrenge wie me sech sälber kontrolliert
Und velecht heschs mou usegloh, obwohl niemer öpis demet het chöne afoh
Hesch di öperem avertrout iiide Hoffnig dasses wäggoht
All die Gfühl und die schwäri Last
1 synonym Last und Emotione
Das hetmer der so bibrocht
Me cha ned produktiv si und öpis erreiche
Wenn di einzig referänz ned din verstand esch sondern dis Härz
U bire Entscheidig tueni mi oft schwerig
Mis Buchgfühl seitmer erstuunlech wenig
Oder chas si dassi s Volumen bloss so wit abedreiht ha
Weli ned mah mech met mim innerste befasse
Aber letschtens hani probiert drufzlose
S Volumen ufedreihe so eifach hani en Antwort gha
Woni abr zersch dur mini Vernunft ha probiere z verstah

Niemer het mer bibrocht wie das goht mire innere Stimm z vertraue
Drum läbi imne chaos wo sich immer meh Zwifu astaue

I fühle wasi fühle läbe aber oft ned drnoch
Vorauem wenns um zwöschemönschlechi beziehige goht
Du treffsch öper zum erste mou und chasch d Finger ned vonand loh
Eigentlech chöntsch säge dass du de
Innerhaub vo 15h innenand verliebt hesch, das machsch aber ned
Ned wels ned fühlsch sondern wel weisch dass am schluss verlürsch
Und i der inne do weisches, dini Intuition zeigtsder,
Veles berueht uf Gägesitigkeit, Doch sobaud de Rusch verbi esch länkt me weder ihh
i die Muster und Forme wie mes gelehrt het
Nome de momänt zählt es esch ganz egau wenn sosch die ganze Läbe lang öpis fählt
Wörmi gern iloh uf mini starke Gfühl för Sache und für Lüt
Aber am schloss stohni do met nüt
D Langfristigkeit esch wie en illusion
Entweder du spielsch mit i dem Game und besch en Hueresohn
Oder du wirsch uninteressant, uncharmant als öb jemous öper all mini facette wör kenne
Nor weli offe be ond me ned verstelle, nor weli säge e wör gärn uf mini Gfühl lose
Und dech weder gseh
Der meh vo mer geh
Das machtmi no lang ned zure liechte Beute
Was sell die scheisse mit liechter und schweriger Beute
Jagdinstinkt und maske ane
Bes aues nor ned dech sälber, was lauft nor fausch Leute
Am Schloss chasch di uf niemer iloh
Obwou langsam ready wärsch dä wäg zgo
Gebs doch zue Hesch di au ned bessser gfühlt
Wo jede obe en andere hesch troffe
Ond för jede hesch was gfühlt
Hesch aber ned döfe säge
Ond zeigt hesch eh nor din arsch und dini brüst was sösch
Dini gfühl wot niemer gseh
Ond dä wos wör wele wots au nor denn solang er öpis devo het
Darum hesch du s volumen weder abgeschruubet
So dass dini inneri Stimm ke Platz meh inimmt
Doch säubst wenn du uf se losisch...

Niemer het mer bibrocht wie das goht mire innere Stimm z vertraue
Drum läbi imne chaos wo sich immer meh Zwifu astaue

Uf mini Gfühl lose, esch so schwerig wie nonie
Chasch dus?