I hob ka Zeit!

Bua, wonnst amoi öda bist, donn wast wovon i red
Womma ka Zeit mehr hod fia an donn wast es is scho z'spät
Donn bist du gfongan im Oitog, longsom im Oita
Wo du aufongst zum Foitern, es sann ondauernd Quoin do
Des losst di nimma los, somit host du a ka Zeit ned
Um dei Lem wieda z'seng, wö du da wos eiredst
Du oide Grantscherm, zag ma doch moi deine Lochfoitn
Nimm da moi de Zeit, du muasst a moi obschoitn
Konnst ned nur auf'd Uhr schaun, wie si da Zaga draht
Des wad jo a Verschwendung und nebenbei warad's fad
Nimm da Zeit fia deine Freind, Zeit für deine Interessn
Nimm da moi a Buach, und loss di heit amoi ned stressn
Des kau jo ned gsund sei, wie du des betreibst
Is a bissl a Schwochsinn, idealerweis
So wie optimal wad, wonnst di ondas programmierst
Unwichtiges weg, sei fia de ondan wieder hier

Gehma spaziern? Na i hob ka Zeit
Dama wos spün? Na i hob ka Zeit
Muas donn des mochn, wegarama, Tees kochn
Du host leicht redn, konnst vo deine Schmähs lochn
Doch i hob ka Zeit, na
Na i hob ka Zeit, na
Des konni ned, des mochi ned, des pock i ned, des duari i ned
Des geht si ned aus, owa wön dad i vielleicht

Da Nachboa kummt und frogt di: Zeit donn fia a Bier
Weh oh weh, weh oh mir, tut mir leid, ich bin nicht hier
Zehnter Hochzeitstog vo deina Frau, er is am Start
Wos du host is Schoklad, sie sogt: Do wiari blad
Du sogst, es duat da lad, du hätst do no Marmlad
Ihr plotzt da Krogn, und du host nix parat
Da 40er von deim bestn Freund is in am Monat
Du host an Gschäftstermin und du wast ned wiesd des ósogst
Deine Kinder Nomanstog, und du no oiwö ka Idee
Wö du den Goatn mochn muasst, doch du woitast des jo eh
So verrinnt dei Scheiß Zeit, wö da du ka Zeit nimmst
Hostas eilig, bist eifrig und afoch nur kleinlich
Wösdas nu ned eisiechst dassd eh scho einstimmst
Dass ned so weida geh kau, wö du sunst eigehst
Sogst zwoa, du host heit ka Zeit, doch du nimmst da ka Zeit
Wüst du ka Zeit nehma, bringst as ned weit

Gehma spaziern? Na i hob ka Zeit
Dama wos spün? Na i hob ka Zeit
Muas donn des mochn, wegarama, Tees kochn
Du host leicht redn, konnst vo deine Schmähs lochn
Doch i hob ka Zeit, na
Na i hob ka Zeit, na
Des konni ned, des mochi ned, des pock i ned, des duari i ned
Des geht si ned aus, owa wön dad i vielleicht