Kevenhiler

Nigdar ni tak bilo da ni nekak bilo
Pak ni vezda nebu da nam nekak nebu
Kajti kak bi bilo da nebi nekak bilo
Ma nebi bilo nikak, ni tak kak je bilo

Ar je navek bilo da je nekak bilo
Kaj je bilo, a je ne, kaj neje nikak bilo
Tak i vezda bude da nekak vre bude
Kak biti bude bilo da bi biti bilo

Ar nigdar ni bilo da ni nišče bilo
Pak nigdar ni nebu da niščega nebu
Kak je tak je i tak je navek bilo
Kak bu, tak bu, a bu vre nekak kak bu

Kajti nemre biti i nemre se zgoditi
Da kmet nebi trebal na tlaku hoditi
Nigdar još ni bilo pak nigdar nemre biti
Da kmet neje moral na vojščinu iti

Kajgod

Kakgod bilo, opet je tak bilo
Kak je bilo, tak je i tak bude bilo

Kak je navek bilo, navek tak mora biti
Da muž mora iti festunge graditi
Bedeme kopati i morta nositi
Z repom podvinutim, kakti kusa biti

Kmet nezna zakaj tak baš mora biti
Da su kmeti gladni, a tabornjiki siti

Ar nigdar ni tak bilo da ni nam tak bilo
Pak nigdar ni nebu da kmet gladen nebu
Kajti nigdar nebu na zemlji ni na nebu
Pri koncu pak Turčin potukel nas se bu