Bindigshormon

Egal wasi mache, es chont mer sit johre so vor
Als öb das eifach nüt für mich wär
Mich öperem hegäh u druf vertraue
Dass so en Zweierkonstellation mis Läbe beriichert
Es gä und es nä i sire perfekte Balance
Die fählendi Glanz-Nuance
E meine langfristig gseh
Machts scho sinn ned allei durs Läbe go
Doch för das setme sich scho zemli guet verstoh
Bedütet sich verstoh ned ou Kompromisse igo?
Kompromisse si schön u guet
I mir schlummert, en riese wuet
Wenn i dradänk wie oft eg gluegt ha, was anderi bruche
Onds mer egau gsi esch wie fescht eg me schluuche

Mini Beziehige si zemli oft en riese fail gsi
I meine die richtig nöche weisch
Die wo der Atem u Schlof raube
Wod eifach weder afosch glaube
Dass aues guet chont u du ned so abgfuckt bisch wied meinsch

Und dass ned ganz allei im Läbe steisch

Bindigshormon
Einisch blinzelt ond scho sind sie fort
Bindigshormon sind ebe ou nor das was de Name seit
Hormon, verantwortlech för wies der geit
E chemischi brühe, aues berächebar nüt spezieus
Hormön chemischi Hueresöhn

E meine du lohsch di s ganze läbe lang füehre
vo so vellne prozäss i dir inne
Dini Sinne si nüt anders als Biochemie
En Krimi vo Serotonin, Insulin und Oxytocin

Bindigshormon
Einisch blinzelt ond scho sind sie fort
Bindigshormon sind ebe ou nor das was de Name seit
Hormon, verantwortlech för wies der geit
E chemischi brühe, aues berächebar nüt spezieus
Hormön chemischi Hueresöhn

Es get ke stärkeri Droge als die rosarot Brölle
Mit dere flügsch so höch, sie tuet dini Wünsch erfölle
Vo Nöchi u Geborgeheit
Wie's i aune Märli u Disneybüecher steit
Kennsch das mitem fählende Dechel zu jedem
Gopf dass du no a sowas glaubsch, kes Wunder esch de Fall hert nach dim Rausch

Bindigshormon
Einisch blinzelt ond scho sind sie fort
Bindigshormon sind ebe ou nor das was de Name seit
Hormon, verantwortlech för wies der geit

Ei chlini Berüehrig längt zum de Reiz uslöse
Sogar nor näbenand chli döse
Ond d Gschicht goht witer, du weisch was no aues passiert
Stelldr vor was förne krassi chemischi Brühe di Körper kreiiert
Aber mir haute dra fescht, dass es Schicksau esch
Gfühl womer für niemer anders chönte ha

Aber d Zit vergaht
Woche um Woche u plötzli sinds scho 18 Mönet
Und du fühlschs nüme was mou gfühlt hesch

Bindigshormon
Einisch blinzelt und scho sind sie fort
Plötzli bedütigslos all die Wort woder üch mou gseit heit
D Verliebtheit u s ständige anand dänke het sich gleit
Was ez übrig blibt entscheidet wies witergeit

U meischtens eschs verbi
Bindigshormon

Hormön chemischi Hueresöhn