Da

ich han wükli probiert glücklich zwerde ohni Sound
aber haumi mal uf s'Chüssi troimi no de glichi Traum
ich han krüpplet, ich han blüetet für de ganzi Scheiss
ez fühlts sich ah as würi acho nachre lange Reis

ich ha dammi nomal lang nümme glaubt dassmi selber überbüte cha,
zudem wotti sone Soloplatte sowieso ned mache,
oder hani vilich eifach nur Berüehrigsangscht,
lang glaubt dassi de Tribüneplatz,
nümm verlah cha und nomal zrugg uf Bühni gang,
aber jez wider back i dem Hüehnerstall,
also hol de Champagner usem Chüelregal,
damals hätt jede i mim Schuelhuus glacht,
doch ha paar Jahr spöter de Durchbruch gschafft,
nimme jedes Weekend ime Tourbus Platz,
drum wennd die vo damals hüt i mine Turnschueh stah,
as obs so eifach wär, flow so heissbegehrt,
dropp es Meischterwerch vilich wirsch Legände,
aber sKonto leider leer, log so laufts im Game,
ich bin wider da,

woni hereghör, da womi heimisch fühl
da, woni gege jede Rapper schüss wo d'Welt ned brücht
da, hinderlahni Liche vo zerfleischte Rapper
da i dem Haifischbecke, ich bin wider da
ich han wükli probiert glücklich zwerde ohni Sound
aber haumi mal uf s'Chüssi troimi no de glichi Traum
da, ich han krüpplet, ich han blüetet für de ganzi Scheiss
ez fühlts sich ah as würi acho nachre lange Reis

ich verspühre wider Appetit i mier, d'Faschtezyt verbi
denn sie wüssed wenni chume,
denne hani Hunger und verruhm de ganzi Chueche,
dass am Endi ned emale meh en Happe blibt für sie,
sLampefieber stiegt, debi händ sie ghofft dass mini Batterie leer sig,
hüt werded Rapper vome Marketinggenie,
kalkulierend zure Fanta Vier Kopie für Platteindustrie,
chum schribi isch sLaufwerch voll,
glich hani amel Zwifel wird de Soundtrack dope,
morn scho am risse spiel as Hauptact Shows,
ned mal mini Skizze passed inen Outletstore,
und doch bini mängisch wükli butterweich im Grind,
shooti Reims wird killt, luupereini Skills,
Lito Baby King Supersajayin, ich bin wider da,

woni hereghör, da womi heimisch fühl
da, woni gege jede Rapper schüss wo d'Welt ned brücht
da, hinderlahni Liche vo zerfleischte Rapper
da i dem Haifischbecke, ich bin wider da
ich han wükli probiert glücklich zwerde ohni Sound
aber haumi mal uf s'Chüssi troimi no de glichi Traum
da, ich han krüpplet, ich han blüetet für de ganzi Scheiss
ez fühlts sich ah as würi acho nachre lange Reis

wo Telli-B e Pause macht, gnüssis mier gads wunderbar
ha denkt, denn staht halt bald es Möchti Comeback Album uf em Plan
doch dEgos gross und gwüssi wäred nur debi us Gruppezwang
drum schicked mer am End au dGäng in wohlverdiente Ruehestand
ich han denkt das sigis gsi es heg sich usgrappt
am einte Gängmitglied gads glich, üs fehlt das fucking Bootcamp
das mit de Crew uf Tour fehlt, de ganzi fucking Groove fehlt
drum holed mer de Vibe back, fanged ah es Album ufneh
und ich merk au det bin Teamplayer obwohli jez uf Solotour bin
bi ned gern im Mittelpunkt, hasse jedes Fotoshooting
immer glaubt elleige Musig mache wär en Horrormovie
ez spili sGame elleige, Egoshooter - Call of Duty
ich han wüklich probiert glücklich z'werde ohni Sound
doch gmerkt wennmi uf s'Chüssi hau, troimi no de glichi Traum
ich han krüpplet, ich han blüetet für de ganzi Scheiss
ez fühlts sich ah as würi acho nachre lange Reis