Weana Bahoat

A echta Weana sogt ned NE
Er sogt NA und er kennt kan Schmäh
Er foahrt mit da Bim wäu er hatscht ned gern
Und geht eam wer am Oasch hotta auf in Scheam
Daunn host in Bock mittn auf de Batterie
Renn im Schock wäu waunn a di hot
Daunn hatta di
Es zöht öfe, des wissn a de Schwoazkappla
Höd hüf da, waunnst di auffiast wia a Wappla
In de Goschn haut a eich es augschitte Bruat
Mit de Groschn auf da Leich und valiert drieba ka Wuat
Wie da Hofa, wissts eh, der vom Zwanzga Haus
Isa vadächtig und täut no a poa Watschn aus
Er is stoiz auf seine Peckerl
Vom Hansi Krankl und vom Schneckerl
Und daunn im Endeffekt Abara Kadabara
Waunns bled hergeht is da Kibara a Habara
Jo so is da Weana, da Weana is bahoat
Da Weana is bahoat
Weana sei, kaumma ned leana aaaha
Wäu er is aundas
Er is a eigene Oat
Da Weana is bahoat
Da Weana is am Hackln obwoi aundare tan büsln grod
Er mocht brav sei Hockn waunna Kaffe oda a Hüsn hot
Is eam amoi fad rennt a im Proda umanaund
Und an am gaunz guadn Tog setzta sein Monatslohn in Saund
Oba stean tuat eam des ned wäu er lebt heite und ned muang
Carpe diem hasst is Motto da Weana mocht si kane Suargn
Is Göd fias Sechzehnablech hotta si a vod Leit zaumgschnorrt
A hoibe Stund hot des dauat jo da Weana is bahoat
A echta Weana hosst in Piefke für Konfrontation bereit
Und er fetzt eam Arroganz ins Gsicht mit Lichtgeschwindigkeit
Da Weana hot an Schmäh der is bekaunnt im gaunzn Laund
Oba i sog stoiz ois Höd er is bekaunnt in da Wöd
Sei nette Ettikettn gibt da Weana gern zum Bestn
Für sei Hätti Wari Täti isa bekaunnt unta den Gästn
Doch er is und bleibt a Grantla des woa scho imma so
Haut irgendwos amoi ned hin hassts nur warum oda wieso
Jo so
So so so
Is da Weana
Da Weana is Bahoat
Da Weana is Bahoat
Weana sei, kaumma ned leana aaaha
Wäu er is aundas
Er is a eigene Oat
Da Weana is bahoat
Da Weana tuat nur ungern hackln
Liaba tuat a mit wem packln
Hotta kan Erwerb daunn is a Hocknstad
Und tuat tschechan bis eam ham draht
An Breslfetzn hotta gern
Und de Stötzn tuat eam ned stean
Oda a Eitrige, des is a kaasgfüde Wuascht
Und er sauft dazua a Hüsn geng sein duascht
Jo so is da Weana
Da Weana is bahoat
Da Weana is bahoat
Wäu er is wer
Der ned gern woat
Und daunn im Endeffekt
Is a ka Bua sondan a Herr
Der ned untageht
Ois aundare is periphär
Weana sei kaumma ned leana
Wäu er is aundas
Er is a eigene Oat
Da Weana is bahoat
Jo so is da Weana, aaaha
Wäu er is wer
Der ned gern woat
Da Weana is bahoat
Ans gibts no zum hean
Oba des kaunn nur da Weana leana
Ma griagt zwoa in Weana aus Wean
Doch niemois Wean ausm aaah Weana