Wajood

Maqsad kia mera, wajah kya is wajood ki
Mojudgi, ka meri koi suboot bhi
Milna Hai mitti mein manzil meri taboot hi
Phir kyun dunyawi cheezo ki lagi mujay itni bhook si,

Apnay khayaloon ki dunya pe mera raaj hai
Mein badshah weham ka kahan phir mera taaj hai
Iss khatarnaak marz ka bana koi ilaaj hai
Parwah nahi kal ki mujhe, jee hun aaj mein,

Tajzia logo ka, yeh banda nahi hosh mein
Dosh hai sirf itna, farq hai meri soch mein
Marte dekha hai logon ko rahun kaise khamosh mein
Maashre ka putla nahi, nikla sach ki khoj mein,

Kaisa ghamand mujhme kaisa yeh guroor hai
Iss puri kainaat ka shayad yeh dastoor hai
Masnui cheezon ka charha mujhpe fitoor hai
Cheray mujhe na koi, zindagi k mein suroor mai,

Jang meri shayad apne aap se
Fatah bhi ismein meri, Meri hi ismein maat hai
Hasad, gheebat,nafratein yahan pe behisaab hai
Agar yeh gunah nahi, halal phir sharab hai,

Apne alfaaz ka ab kaise dun jawaz mein
Awaz laraz jati hai main hu nahi hawas mein
Karta lehaz mein, posheeda kai raaz hein
Na paas mere koi, na rakhta koi aas mein,

Dil yeh bechain hai, rooh nahi sukoon main
Maashray ko is dekh ke kholta mera hai
Junoon hai parvaz ka, aasma pe uruun mai
Kho gaya hujoom mein, raha hu khud ko dhoond mai,

Kabhi kabar mujhay khud pe hota rashk hai
khud he chal rha hu apne kadmo k naqsh pe
Bachata rehta nazren mein khud apne he aqs se
Jhoom raha beparwa, zamanay k is raqs mai,

Likh raha hu hathon se khud apni he taqdeer main
Badal dunga jo bhi likha hai, in hatho ki mai
Zameer abhi zinda hai, dekhle jism cheer ke
Ashaish k chaurahay pe khara jaise faqeer mai,

Nikla safar pe hun, dhund rha sachai mai
Safai mai deta rahun, hu khud he se larai mai
Burai hai har taraf, karta kyun rahu bhalai main
Uper taira bohat hai ab utra hu gehrai main,

Dhund lunga ik din maqsad is wajood ka
Mein khoj lunga chupa hai jo raz is zahoor ka
Karenge yaad log deewana aya ik zaroor tha
Maashre ka aqs wo haqeeqat ka saboot tha