Wandel

Was, du hesch glaubt es wird immer so si?
Isch scho klar niemals simmer so wit
Du bisch am end wärsch lieber im paradies
Wo lit de sinn a dim fliss, alles zu sinere zit

Während ich schlaf macht min chopf es update
Alles isch neu han die laste abgheit
Fokussierti energie korrumpiert mich wesentlich
Übernimmt mis wese mich? garantiert ier kenned mich

De nebelschleier verzieht sich langsam und d'sunne gaht uf
Schwarz und grau wird zu rot und blau hesch dich scho unter tote glaubt
Mir egal was sie reded doch wenn ich chume, halts mul
Lüge hebed nöd allei sie baued ufenand uf

Ey mann ich steppe rum und alles isch mer so fremd
Es fühlt sich ah wien so'n rusch, alls hett ich schlimmer verpennt
Movin' on mit mim shit, han das scho immer so kennt
Das was ich han nimm ich mit, erfülle min kontingent

Nenn es Schicksal, bestimmig oder vilicht nur zuefall
Han das grab selber gschuflet au wenn nur unbewusst
Und ich blib stah denn in mir stahn i scho vor em ufprall
Eimal tüf duregschnufet und ich chum i de fluss

Chume nöd drus, die welt isch mir es enigma
Will das alles verstah obwohl ich dafür kei zit han
Im plan isch alles bereits für mich iplant
Blib hart unter dem Druck so wie titan

Was, du hesch glaubt es wird immer so si?
Isch scho klar niemals simmer so wit
Du bisch am end wärsch lieber im paradies
Wo lit de sinn a dim fliss, alles zu sinere zit

Während ich schlaf macht min chopf es update
Alles isch neu han die laste abgheit
Fokussierti energie korrumpiert mich wesentlich
Übernimmt mis wese mich? garantiert ier kenned mich

Sammel du nur din richtum dini macht und din ifluss
Ich bericher min geist und alles chunt so wies si muess
Wenn die welt eines tages in trümmer zerfallt
Wird erst klar uf dem weg gits kei gwünner

Egal was du machsch, de Wandel chunt ohni gnad
Da stellt sich d'frag wies nur het chöne zu dem punkt cho isch schad
Wie mer so blind si chan obwohl mer weiss was lauft
Das lebe isch bizarr das mer' s nöd eifach glaubt

Ohni akzeptanz isch mer en hoffnigslose fall
Es isch nöd eifach und het scho mengem leid bracht
Und die ignoranz endet mit me grosse knall
Die ganzi zwietracht wo din hass vervielfacht

Han mir zum ziel gmacht mit allne fehler z'lebe
Chan nöd sege ich bin guet und ich bin schlecht
Han dezue doch gar kei recht
Ha's nöd wit bracht tuen öppe no versege
Wenn alles sich verändert weiss die müeh isch nöd verschwendet, nüt isch je vollendet

Was, du hesch glaubt es wird immer so si?
Isch scho klar niemals simmer so wit
Du bisch am end wärsch lieber im paradies
Wo lit de sinn a dim fliss, alles zu sinere zit

Während ich schlaf macht min chopf es update
Alles isch neu han die laste abgheit
Fokussierti energie korrumpiert mich wesentlich
Übernimmt mis wese mich? garantiert ier kenned mich