Underachiever

Woni kli gsih bin het ma denkt
I bin as fucking Genie
In dr Schual as riisa Talent
Immer numma guati Nota für mi
Für Prüafiga hani nia glernt
Trotzdem immer Klassabescht
Doch irgendswenn hani denn gmerkt
Dass sich das Verhalta mol rächt
Füfti Klass i bin denn abgstürzt wia d Aaliyah
Numma Struggle numma Krisana
Wenni Arbeita gschriba han
I bin froh gsih hets an Vierer geh
Bizli lerna alta liaber ned

Denn as langt jo wenn nu gnüagend bisch
Und als guata Schüaler ischs recht
Selta dass du gmüatlich chillsch
Und drum machi immer nu s Minimum
Nai i bin nid dumm
Doch wenn dr Lehrer was frogt blibi stumm
Vo dr Sek bis ind Kanti bini heftig entspannt gsih
Viellicht zu entspannt denn i han zu vielmol gamet anstatt gschafft i
I bin an fuula Sack jo i gibas zua
I will nu mini Ruah yeah und
Drum bliibi halt numma an

Underachiever
I han z Problem i bin an Underachiever
I könnt no meh doch bin an Underachiever
Vieli könnd das nid begriifa dassi anderi Ziel han
Underachiever
I han z Problem i bin an Underachiever
I könnt no meh doch bin an Underachiever
I bin i bin i bin an Underachiever
U-Underachiever, yeah

Niamert hetti das mol denkt doch i han d Matura
Trotzdem bini kai Student denn das wär halt Uufwand
Alli hend sie gseit i söll doch was studiara
Doch anstatt studiara tuani nu prokrastiniara (und biz masturbiara)
Jo au i han amol Ziel gha
Ob Spieler in dr FIFA oder Betrieber vora Skibar
Was weiss i was hüt bini froh goht mr niamert uf da Sack
Doch aswo weissi i han biz verkackt

Denn i könnt schu lang an Master ha
Inra Bank an Arbeitsplatz mit sechs-stelligem Jahresghalt
An Maserati bar und nid in Rata zahlt
As Huus in Gran Canaria mit ei, zwei Hektara Land
Doch i bini Minimalischt meistens chilli a biz
I könnt an Cheff sii doch wenni ehrlich bin denn willi das nid
I bin so zfrieda wias isch as goht mr guat drum ischs mr so egal
I denka nid zu viel an mis verschenkta Potential i bin an

Underachiever
I han z Problem i bin an Underachiever
I könnt no meh doch bin an Underachiever
Vieli könnd das nid begriifa dassi anderi Ziel han
Underachiever
I han z Problem i bin an Underachiever
I könnt no meh doch bin an Underachiever
I bin i bin i bin an Underachiever
U-Underachiever, yeah