Kapan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Helo apakabar salam hangat pulau schouten
Sa masih menyimpan semua rasa dalam noken
Sa ingin ungkapkan tapi sa tra tau kapan
Mungkin besok lusa ato nanti minggu depan

Sa siapkan mental takut ungkap logat kental
Kan bahaya itu fatal pelan pelan takut batal
Jangan teburu - buru, jangan tunggu di suru
Bila sa su siap lapan anam sa kan maju

Ungkap sa pu rasa ko su tau pace to biasa
Tabrak karang tembus obak ah sa pasti bisa
Tara mungkin k jangan
Pasti sa kan ungkapkan

Lewat microfon juga saat bertatapan
Kalo berjauhan nanti sa yang telepon
Biar sa cerita panjang macam sinetron
Ae bisa k tra takut ada yang marah tong

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Dan untuk kesekian ada rasa yang tersimpan
Sulit di ucapkan hanya cukup tuk sa pendam
Entah sampai kapan untuk bisa sa sampaikan
Niat sperti kilat tapi mulainya dari kapan

Hati masih sperti kucing malu malu
Ingin, tabrak maju tapi hati masih ragu
Mungkin, mental masih jatuh jadi butuh waktu
Amin, habis ini sa pasti langsung ke situ

Ow god damm
Sa pu niat sudah bulat
Doa sa panjatkan walau bukan sa pu bakat
Tunggu momen tepat napi langsung main sikat
Kasih laju di tikungan jangan kasih lambat

Jadi tolong kasih tahu pada dia
Lagu ini sa tuliskan memang hanya untuk dia
Iyo dia, dia dia yang buat sa gila
Dan dia, dia yang buat sa jatuh cinta

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Sante.
Tetap mantap mantap aja
Yoe.
Lihat ko jalan sa gelisa
Ingin untuk mau cepat ungkapkan sa pu cinta
Ko wanita terindah yang paling sa damba

Owo...
Gambar kasih warna ko pu crita
Rakit proses siap untuk mau masuk minta
Baby dengar yang sa mo bilang
Baby cinta ko trakan hilang

Sa ni malu tapi bukan sa tra mau
Tunggu waktu siap untuk menuju
Imbo yaswar mbo yoksna e
Tresno jantung hati su tagepe

A... Napi peranakan serui
Brani ketika ko sudah jawab yoi
Main dengan ompay punya cara
Mulut ba lendir kasih basah ko pu cinta

Rasa cinta pendamkan sa tahan dalam pandangan
Beban pikiran sa buang dalam tempat yang nyaman
Sa tra berdrama tapi sa bermain aman
Rasa yang sa simpan tratau kapan tersampaikan

Sa tra bikin malas tau tapi koi yang mau
Sa tra punya jurun untuk sa toki ko mulus

Tolong ko percaya sa punya rasa ini tulus
Bukan akal bulus soal cinta sa su lulus
Karna ko, baby cuma ko
Sa berani ambil resiko
Untuk dekat dengan ko

Yoe
Ompay mau ungkap jadi tolong ko tangkap
Takut nanti lain dapat mari ompay dekap

Tapi semua hanya angan mau ungkapkan tapi kapan
Sa masih urungkan karna perlu persiapan
Mental dengan batin mungkin juga kelakuan
Untuk bisa gandeng orang pu anak perempuan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan

Ado mama kapan sa mau bilang
Rasa yang sekian lama tertahan
Berat hati ini tuk tuangkan
Entah kapan bisa sakan ungkapkan