Wie? Aber Was?

I wott niene blibe wo der Himu nüm erkennbar
Drum hani e Wohnig z mitz drin u z oberst obe
Und hani mau e Stung de muesi hie eifach use
Wüu hie i au däm Züüg fäut mer irgendwie der Bode
Es Läbe uf em Land isch woni mi derna sehne
Aber dört fäut mr das wasi ha i mire Stadt
I wett niene häre woni nüt u niemer kenne
Und da woni iz bi hani langsam aui satt
Di Frou woni mis Härz teile di nimmt so viu Platz i
Doch i bine Free-bird mi chame nid zähme
Würd am liebschte furt aber i cha nid alei si
Wüu bini alei de faht sie mir afa fähle

Es würd sech ergä würdi mi mau entscheide
Aber so entscheide das machi eifach nid
Du hesch zwöi Wäge wele wäusch vo de beide?
Fragi mi nüm i vergrabe mi iz hie
Es würd sech ergä würdi mi mau entscheide
Aber so entscheide das machi nid
Du hesch zwöi Wäge wele wäusch vo de beide?
Fragi mi nüm i vergrabe mi iz hie

I wett au dä Shit woni ha eifach wäg ha
I gloube au dä Bsitz womer trage isch e Fluech
Dä bingt üs nur zrügg drum gibi aues wäg fasch
Nur weisi haut nid wasi speter mau no bruuche
Und sowieso dä Job hindret mi vo mir Bestimmig
Jage nur e Woustand doch das bi nid ig
Guet mini Bestimmig hani no gad nid gfunge
Im Momänt hani ke Zit und ohni Stutz geit das nid

Bruuche nüt, nur gloube u hoffe
I cha wähle ha d Zügu i de häng
I bi frei, d Wäut steit mer offe
Auso muesi hie iz links oder rächts?

Es würd sech ergä würdi mi mau entscheide
Aber so entscheide das machi eifach nid
Du hesch zwöi Wäge wele wäusch vo de beide?
Fragi mi nüm i vergrabe mi iz hie
Es würd sech ergä würdi mi mau entscheide
Aber so entscheide das machi nid
Du hesch zwöi Wäge wele wäusch vo de beide?
Fragi mi nüm i vergrabe mi iz hie

Auso blibi eifach hie und ändere mi nie
La se haut la zieh und ha mi säuber lieb
Auso lanis si und es blibt e Phantasie
Wüu i gsehs scho vor mer es wird viu z kompliziert
Auso blibi hie und ändere mi nie
La se haut la zieh und ha mi säuber lieb
Auso lanis si und es blibt e Phantasie
Wüu i gsehs scho vor mer es wird viu z kompliziert