Is Dil Ki Siyahi Ko

Is dil ki siyaahi ko Sarkar mita dena
Anwaare mahabbat se pur noor bana dena

Lab par mere naatain hon nazron main Madeenah ho
Us waqt mere maula tu mujh ko qaza dena
Dunya ki mahabbat se Sarkar chura dena
Bas apni aqeedat hi is dil main basa dena

Is dil ki siyaahi ko Sarkar mita dena
Anwaare mahabbat se pur noor bana dena

Taibah main shahe waala mit jaaye meri hasti
Turbat meri qadmon main Sarkar bana dena
Pazmurdah tabi'at ko Sarkar khila dena
Darbaar e muqaddas ka deedaar kara dena

Is dil ki siyaahi ko Sarkar mita dena
Anwaare mahabbat se pur noor bana dena

Mahshar ki tamaazat main jab ke hon pareshaan hum
Ya shaah e rusul apni rahmat ki rida dena

Is dil ki siyaahi ko Sarkar mita dena
Anwaare mahabbat se pur noor bana dena

Chalte hi rahen Aqa hum aap ki seerat par
Sunnat se mahabbat ka wo jazba shaha dena

Is dil ki siyaahi ko Sarkar mita dena
Anwaare mahabbat se pur noor bana dena

Kehta hai Mushahid ye Noori ke waseele se
Har daagh mita dena or dil ki dawa dena