Pur bii del vin, comadre

Pur bii del vin, comadre, e no lo temperare
Ché, se lo vin è forte, la testa fa schaldare

Giernosen le comadri tramb ad una maxone
Çercòn del vin setile sel era de saxone
Bevenon cinque barii, et eranon deçune
Et un quartier de retro per bocha savorare

Pur bii del vin, comadre, e no lo temperare
Ché, se lo vin è forte, la testa fa schaldare

De questa botexella plu no ne vindiamo
Mettamoi la canella per nui lom biviamo
Et oi comadre bella, elçaive lagonella
Façamo campanella chel me ten gran pixare

Pur bii del vin, comadre, e no lo temperare
Ché, se lo vin è forte, la testa fa schaldare

Comença de pixare la bona bevedrixe
Ella deschalça lalbore tra qui e le raixe
Disse laltra comadre: per deo quel buxo stagna
Che fat ai tal lavagna podrixi navegare

Pur bii del vin, comadre, e no lo temperare
Ché, se lo vin è forte, la testa fa schaldare

Elle gierno ala stuva per gran delicamento
Efen lor parimento chen corp avean vento
Porton sette capuni et ove ben duxento
Et un capun lardato per bocha savorare

Pur bii del vin, comadre, e no lo temperare
Ché, se lo vin è forte, la testa fa schaldare

Una nave comadre de vin e çunt al porto
Et un altra de lino lo marinar sia morto
Pur biviam comadre emplemon ben lo corpoe
Ela barcha deolino vad en fondo de mare

Pur bii del vin, comadre, e no lo temperare
Ché, se lo vin è forte, la testa fa schaldare

Giernosen le comadre trambedue ala festa
De gloc e de lasagne se fen sette menestra
E disse lun alaltra non foss altra tempesta
Cheo no vollesse tessere mai ordir ne filare

Pur bii del vin, comadre, e no lo temperare
Ché, se lo vin è forte, la testa fa schaldare