Haute Couture

I mues säge das gseht nice us
U het e feine Geissgruch
U dä Blaizer sehr schön
U dini Haar si sehr Föhn
Das isch aus Haute Couture?
Isch di Peuz vome Fuutier?
Steu der vor was das choschtet
Hey hei mer scho proschtet?
Dir chömet u dir redet eloquänter
Über Wirtschaftswachstum u Ränte
Während i mi Schnabu häbe wine Änte
Liiret dir vo de Börsetendänze
U vo Solvänze
Und i ha sone gratis Gin no pendänt
Und ihri wisse Zähn die glänze
Während mir der Chäuner geng nacheschänkt
I gloube dä macht das unändlech
Gloub mues ne stoppe
Doch dä Wii chasch nid toppe
U mit so Lüt bini säute
Wo offesichtlech au öppis gäute
Lose zue und dänk mer

I bine verlorene Planet
Ime frömde Sunnesystem
Aber gross wie me d Stadt hie obe gseht
Und i finge die Liechtli so schön
We eim der Lift nur gnue höch ufe fahrt
De geits
We eim der Lift nur gnue höch ufe fahrt
De geits
We eim der Lift nur gnue höch ufe fahrt

I trage hüt Pantoffli
I ha dänkt a euem Fescht sig das gmüetlech
Doch i ha gmerkt es isch gar nid so üeblech
Hie si aui so dressed up
Sehr noble Festakt
Bi mer das gar nid so gwöhnt gsi
U dä Chäuner verdammt dä verwöhnt mi
Me cha au die Gläser gar nid zeue
Während si verzeue
Si hei der Chopf vou züüg us em Gschäft i
Ha mi Chopf mittlerwile i de Häppli
Die intressiere sech au für dä Stuss da
I mues früschi Luft ha
Risse d Baukontür uf es blinket
Ignoriere d Sirene es windet
Mir iz Gsicht und i dänk mer

I bine verlorene Planet
Ime frömde Sunnesystem
Aber gross wie me d Stadt hie obe gseht
Und i finge die Liechtli so schön
We me einisch so wit obe da isch acho
De ghört me nid mau meh der Lärm
Es git nüt zwüsche mir u däm Himu
Aber i ghöre nid unger dä Stärn
We eim der Lift nur fahrt
De geits
We eim der Lift nur gnue höch ufe fahrt
De geits
We eim der Lift nur gnue höch ufe fahrt
De geits
We eim der Lift nur gnue höch ufe fahrt

I bine verlorene Planet
Ime frömde Sunnesystem
Aber gross wie me d Stadt hie obe gseht
Und i finge die Liechtli so schön
We me einisch so wit obe da isch acho
De ghört me nid mau meh der Lärm
Es git nüt zwüsche mir u däm Himu
Aber i ghöre nid unger dä Stärn

Di Gseuschaft steut kei Frag
Si steut sech o nid a
We eim der Lift nur gnue höch ufe fahrt
Sone höchi Gseuschaft steut kei Frag
Me geit sech o nüt a
We eim der Lift nur gnue höch ufe fahrt
Sone höchi Gseuschaft steut kei Frag
Si steut sech o nid a
We eim der Lift nur gnue höch ufe fahrt
Sone höchi Gseuschaft steut kei Frag
Me geit sech o nüt a
We eim der Lift nur gnue höch
We eim der Lift nur gnue höch ufe fahrt