Failure

Mai chal raha hu uss raaste,
Jahan sabne bola "Zara dhyan se",
Chinta nahi shayad taane hai,
Mai sun raha hu bade dhyan se,

Kehne ko saath hai sab lekin, Sachai mujhko malum hai,
Mai fail hua toh khwaab hu, success hua toh "kya baat hai"

Kuch dost mere, roz, har ghadi hai lete ye stress kuch baaton ka,
Teacher ne bola "Ye school hai!!! Music banaana hai baad ka"

Maine bhi socha aur ant mai bola
"Ye sab toh lagta hai fake sa"
Firr peeche aaya mera dost bola
"Bhai paper toh dega JEE Mains Ka?"

Mere hi dil Mai harr waqt wo, sab baatien mujhko hai kaat-ti,
Sawaal uthaye Maine jab, duniya baithi gumnaam thii,
Firr khud ko bola "bhagwan nahi, shaitani karke bhi dekhlenge",
Jo bandagi si lagti hai aaj, kal usko gaano mai ghol denge!

Hum khol denge vo raaz saare, jin se bachna sikhaya thaa,
Padhai karke jab ghar pe aate, Comparison ne dabaya thaa,
Maa-Baap chodd vo Rishtedaar bhi, dande khaate hi padh Gaye,
Bass mental health ki jab baat kari toh, 'paagal' bolke thakk gaye,

"Vo karta naukri 'itne' Lakh ki, Tujhe unke jaisa banaunga"
"Le PCM, Reh Serious, Tujhe Package Mai Dilvaunga"
Iss Factory ka naukar nahi hu, mujhe khud ki aag mai jeena hai,
Mai paison wali bakri nahi hu, mujhe khud ke sapne ko jeena hai,

Mujhe keeda hai, ki mujhe peeda hai, vo kaam Mera Jo Cheena hai,
Gaane banake kya paap Kiya, meri nazar mai mujhe seela hai,
Insaan hu mai vo ped nahi, jisko banake tum kaat doge,
Apni taakat se dharti kya, ab sapno ko bhi tum maar doge,

Firr yaad karoge ek din,
"Kya gaana Maine banaaya thaa"
"Sabka thaa Maine vo stress nichoda aur duniya bhar ko sunaya thaa"
Uss ek raat tum ro padoge, jab stress mai yaari na saath hogi,
Jab khud ko bologe "qismat hai", Bass dokhe ki hi vo baat hogi

*Abhi baatien meri thodi baaki hai, Rappers wala yahi style hai,
Ghar ki baaton ko gap dekar, Zara Internet pe aate hai,
Har ek shabd, harr ek lafz, ek ansuni si kahaani hai,
Oh sorry sorry maaf karna, kahani nahi sachhai hai!!!

Mai ro raha thaa uss din shayad, na rok paya vo haadsaa,
Kuch paakhiza se Jo shabd lage, unme hi mai thaa yun bandha hua,
Bas Roz TV pe, harr ghadi, mai sun raha hu ye daastan,
"Ladki thii Jo ab chal basi hai, suicide note jo likha hua"

Ye kyun hua? Kya naam thaa?, Kuch aise hi ye sawaal khade,
Firr 3 din ka ye serial, aur ant mai veeraam pade!
Ab TV chodo kya internet, hain harr jagah ye sab saath khade,
Lekin jo laash ye bichh chuki hai,
kya vaapis isko tum laa sakoge? (nahi laa sakte)

Tum lad sakoge? In real life?, Jaise ladte ho internet pe?
DM karte tum sabhi ko, coz' nashe tumhe hai followers ke,
Ek din, sab chal basega, ye karma ka hathiyaar ajeeb,
Vaani kaho ya Sangeet ise, mai tum hi hoon... Ye ab yaad nahi,

Ye baatien thodi purani hai, jo sabne tumse chupai hai,
Jo sabne tumko sunai hai, vo hawa ho chuki yaadein hai,
Mai likh raha hu ye rap firr bhi, kyunki koi toh jazbaati hai
Samajh raha hu ye chakravyuh, kya ho chuka aur kya baaki hai...