Wie die Tröimende

Si schteit da i dr Sunne, im Räge
Si schteit da u sy u sy cha gar nüt säge
Si het d' Ouge verbunde u treit i dr Hand e Waag
u es Schwärt u chönnt kämpfe
Doch die Waag isch ging läär u das Schwärt isch für nüt
Denn si schteit nume da: d'Frou Justitia!

I mir tönt e Melodie: ob Gerächtigkeit chönnt sy?
Ob sie ohnmächtig oder machtvoll isch
ja wär weiss das so genau?
Wär cha wäge all das Leid? U wär üebt Gerächtigkeit?
Wär ergryft das Schwärt und schteit uf für üs Mönsche?
Säg wo wohnt d'Gerächtigkeit?

Wär mit Träne säjt u mit Lide
U glych Gott vertrout i syr Not
Dä wird ärnte bald scho mit Fröjde!
Gsehsch du nid das Morgerot?

Wär cha settegi Wort eifach säge?
So ne Hoffnig die isch doch dernäbe!
U wär linderet ds Leid vo re Mueter wo truuret
U wär hilf em Maa mit de Schmärze?
U wär schtraft die Verbrächer i all dene Länder
Denn si schteit nume da: d'Frou Justitia!

I mir tönt e Melodie: ob Gerächtigkeit chönnt sy?
Ob sie ohnmächtig oder machtvoll isch,
Ja wär weiss das so genau?
Wär cha wäge all das Leid? U wär üebt Gerächtigkeit?
Wär ergryft das Schwärt und schteit uf für üs Mönsche?
Säg wo wohnt d'Gerächtigkeit?

Wär mit Träne säjt u mit Lide,
U glych Gott vertrout i syr Not
Dä wird ärnte bald scho mit Fröjde!
Gsehsch du nid das Morgerot?

Wie die Tröjmende wärde alli sy,
We dr Tag vom Rächt erschiint!
Das seit Eine u däm sy Name isch,
Ja sy Name isch Gerächtigkeit!
Wie die Tröjmende wärde alli sy,
We dr Tag vom Rächt erschiint!
Das seit Gott üs zue, denn sy Name isch,
Ja sy Name isch Gerächtigkeit!