Schneesturm (jandrose mix)

Mit usgstreckter Hand, aber grife nur id Luft
Find kei Halt und ich fall, hoffe dass mich öppert fangt
Ja min Verstand er verlürt sich dur die Kluft
Nümme lang, nümme lang, nümme lang

Nie meh eso wie damals
Was isch mit mir gscheh? han nie welle eso werde aber
Ich gsehn es vergaht i miner Hand viel zu schnell
Wie Schnee, wie Schnee

Wiene decki us Schnee, das drunder wetti nöd gseh
Ich luege zrugg, mini Spure sind scho weg
Han doch alles scho geh, doch sie wennd immer no meh
Bin unter Druck und verlüre mis Konzept

Muess öppis tue, muess mich ablenke
Ich wett kei rueh, ich wett nöd denke
Es isch zu viel, chum nüme mit
Ja alles still, kei Übersicht

Nur ein Moment kein Überblick
Und die chalte Händ sind über mir
Bin gfange i dem Labyrinth
Nur chalte Schweiss wo aberinnt

I dem Schneesturm gsehn ich nöd wo ich ane gahn
Isch alles taub und alles chalt, es gaht nöd witer aber han
E Sehnsucht, es langet zum no kämpfe
Han nie meh brucht, han nie meh brucht

Mit usgstreckter Hand, aber grife nur id Luft
Find kei Halt und ich fall, hoffe dass mich öppert fangt
Ja min Verstand er verlürt sich dur die Kluft
Nümme lang, nümme lang, nümme lang

Nie meh eso wie damals
Was isch mit mir gscheh? han nie welle eso werde aber
Ich gsehn es vergaht i miner Hand viel zu schnell
Wie Schnee, wie Schnee

Lueg amigs tüf i mis Glas und denn no tüfer id Seel
Ich wett de Shit gar nöd gseh, da trink ich lieber no meh
Seg mer wer brucht scho en Feind wenn mer sich selber nöd traut?
Han nüt meh z'melde ich glaub ich mach die Scherbe zu Staub

Ich block dich ab, was denksch du dir
Das Fenster isch scho längst verbi
Bin chalt wie Iis und heiss wie Für
Will schreie aber zeig kei Gfühl

Es isch scho guet, kei Frage meh
Du gsehsch de Grund vom klare See
Vilicht au nöd, isch mir doch glich
Es git kein Grund keis, wieso ich?

I dem Schneesturm gsehn ich nöd wo ich ane gahn
Isch alles taub und alles chalt, es gaht nöd witer aber han
E Sehnsucht, es langet zum no kämpfe
Han nie meh brucht, han nie meh brucht

Mit usgstreckter Hand, aber grife nur id Luft
Find kei Halt und ich fall, hoffe dass mich öppert fangt
Ja min Verstand er verlürt sich dur die Kluft
Nümme lang, nümme lang, nümme lang

Nie meh eso wie damals
Was isch mit mir gscheh? han nie welle eso werde aber
Ich gsehn es vergaht i miner Hand viel zu schnell
Wie Schnee, wie Schnee