Fore 'a caverna

'A musica serve a se sentere buono
Damme nu beat e 'a cerevella s'aziona
Vuie calate 'o cazone cacate 'e canzone
Cu 'e sapori surgelate p'ogni occasione

'Int"a caverna ombre proiettate
Senza nu passo passano jurnate
L'ombra 'e nu sole ca nun dà calore
Rilorgie squagliati segnano ll'ore

Strutture ... sovrastutture
Ce vonno 'e malati pe' vennere 'e cure
Chine 'e paure senza culure frà
'e bisogni 'e ccà fanno scurdà 'e sunnà

'Mmiezo 'e banditi graffiti pittati
Ll'arte nn"a decide na carta firmata
Apprufittaie 'e chill'attimo 'e eterno
Pe' capì e ascì fore 'a caverna

Ascimmo cu 'e frate, fore 'a caverna
Catene spezzate, fore 'a caverna
Fore 'a vernate, fore 'a caverna
Uno pe ll'ate, fore 'a caverna

Fore c"a capa, fore 'a caverna
Senza sti capi, fore 'a caverna
'A capa s'arapre, fore 'a caverna
Fore 'a caverna, fore 'a caverna

Truvaie Luce fore a ll'istituto
'o stupore 'mmiezo a sti stupetute
'O sole abbagliava 'o core abballava
'a dumanda 'ncasava: chi se sbagliava?

Fesse e cuntente a faticà pe' ll'oro
Tra addore 'e fessa e fesse senz'addore
Ma mò ca stong' 'a fore je me chiedo
Stongo io 'a fore o vuje state a pere?

'Nfame me cercavano pe' mare e pe' terra
'A verità puteva scatenà na guerra
Me mettette 'ncapa l'avev"a dicere a 'e frate
'Ncantate 'ncatenate cantilenate (cantane n'ata)

Dumande cchiù belle d"e risposte
Araprono serrande senza pavà 'mposte
'rraggia acquaragia 'o munno è 'o nuosto
'A libertà a quanto costa costa

Ascimmo cu 'e frate, fore 'a caverna
Catene spezzate, fore 'a caverna
Fore 'a vernate, fore 'a caverna
Uno pe ll'ate, fore 'a caverna

Fore c"a capa, fore 'a caverna
Senza sti capi, fore 'a caverna
'A capa s'arapre, fore 'a caverna
Fore 'a caverna, fore 'a caverna

Turnaie dinto a purtà 'a 'mmasciata
Dicetteno: che vvuò bello d"o frato?
Ce cuntaie pure 'o cunto d"e cunte
Me pigliarono pe' nu povero strunzo

Che staie dicenno? Che t'he sunnato?
Va' vedenno che t'he fummato
Chiagnevo 'int"o core pe' ridere fore
Pecchè a ffinale tenevo pe' lloro

E ll'auotomi me vedettero che ne saje?
Faccettero nu surriso ca me gelaie
Nun capettero 'o piano: ma c'he ditto?
Sabotatore tranquillo comm' a Magritte

Je vulevo cagnà stu juoco 'a ll'interno
Puntà 'o Paraviso 'mmiezo a st' inferno
Addò fa' cavero ma è sempe vierno
Purtà sta gente fore 'a caverna

Ascimmo cu 'e frate, fore 'a caverna
Catene spezzate, fore 'a caverna
Fore 'a vernate, fore 'a caverna
Uno pe ll'ate, fore 'a caverna

Fore c"a capa, fore 'a caverna
Senza sti capi, fore 'a caverna
'A capa s'arapre, fore 'a caverna
Fore 'a caverna, fore 'a caverna

Fore 'a caverna 'a capa s'arapre
Fore 'a caverna senza sti capi
Fore 'a caverna senza padrone
Senza catene, penza a sta' bbuono