Heights

Dem seh wisdom come wid age
But mi feel like wisdom come wid experience yuh know
Cah a di end a di day
Anuh di years a yuh life
A yuh life ina yuh years

They don't really know
Wonder if Craven A and Henny aguh tek away di pain dawg
(Wash away mi sorrows yuh know)
Wonder if afta all a dis mi liver aguh be the same dawg (Jah jah)
Jah know mi still a stand firm whether if sunny or it rain dawg
Mi nah duh dis fi nuh fame dawg
Yeah, cho

Mi see mi mada want a house a swear to God mi affi buy dat
Mi see mi bredda want a Clarks and him nuh know a weh fi find dat
Mi see di browning belly swell and she a tell mi seh a mine dat
Suh when mi see a juvenile a bang eh line mi seh why not?

Mi gone back inna mi phase
Mi see dem chatty chatty ways
Energy drain and still a look fi happy days
All when mi know di girl nuh real she still me ejaculate
When me a drive and she a give mi sloppy brain
Dats why mi run mi owna race mi nuh tek part ina relay
Nuh need dem strength, mi will guh gym guh bawl fi days
Seh a prayer to di fada and beg him fi part di way
Memba di sunshine afta every stormy day
Yow Lawboss watcha

Mi deh pon anedda different level dem cyaa reach mi again
Mi wi still guh back a school and mek dem teach mi again
Mi a rub a carotone and it a bleach mi again
Gyal yuh cock up please be a ten
Tell eh client fees fi a send
Nowadays yuh deven haffi be a meech fi have Benz
Too much dawgs a sell mi out suh mi mek leads be my friend
Right now mi singing from mi brain, mi deven needed a pen
Bashy aguh deal wid a ting

Wonder if Craven A and Henny aguh tek away di pain dawg
Wonder if afta all a dis mi liver aguh be the same dawg
Jah know mi still a stand firm whether if sunny or it rain dawg
Mi nah duh dis fi nuh fame dawg

Dem seh time a di master
But eh betta man master di time
Dem coulda neva seh mi false start
Cause eh wulla wi did start a di line
Weh dem a seh unuh talk fast
Memba mi neva gi di pastor mi nine
A just part a di crime
Chargie
And mi a seh Bashy, yeah
Gwaan guh collect eh bread
Fully