Johnnie Cope

The drums of war were sounding far
When Johnnie Cope cam tae Dunbar
When Johnnie Cope cam tae Dunbar
Upon a misty Morning

Cope Sent a letter tae Dunbar
Said Charlie meet me if you daur
And I'll learn ye the arts of war
If you'll meet me in the morning

When Charlie looked this letter upon
He drew his sword the scabbard from
Come follow me my merry men
And we'll meet Johnnie Cope in the morning

Hey Johnnie Cope are you wauking yet
And are your drums a- beating yet
If ye were wauking I would wait
Tae gang tae The Coals in the morning

Now Johnnie, be as good's your word
Come, try your fate with fire and sword
And dinna rin like a frichted bird
That's chased frae its nest i' the morning

When Johnnie Cope he heard o' this
He thought it wouldna be amiss
To hae a horse in readiness
For to flee awa' in the morning

Hey Johnnie Cope are you wauking yet
And are your drums a- beating yet
If ye were wauking I would wait
Tae gang tae The Coals in the morning

Fye now Johnnie, get up and run
The Highland bagpipes mak a din
It's better tae sleep in a hale skin
For 'twill be a bloody morning

When Johnnie Cope tae Dunbar came
They spiered at him, where's a' your men
The Devil confound me I dinna ken
I left them all this morning.

Hey Johnnie Cope are you wauking yet
And are your drums a- beating yet
If ye were wauking I would wait
Tae gang tae The Coals in the morning

Now Johnnie troth, ye were na blate
Tae come wi' news o' your ain defeat
And leave your men in such a straight
So early in the morning

Faith, quo Johnnie, I had sic fegs
Wi' their claymores and their philabegs
If I face them again Devil brak ma legs
I wish you all a good morning

Hey Johnnie Cope are you wauking yet
And are your drums a- beating yet
If ye were wauking I would wait
Tae gang tae The Coals in the morning

Hey Johnnie Cope are you wauking yet
And are your drums a- beating yet
If ye were wauking I would wait
Tae gang tae The Coals in the morning