Tango ufem Balkon

4i ir nacht immerno wach Auge si rot
Chrieg i mir inne doch glaub mittlerwile si aui scho tod
Immer wenn dr mond dür mis fenster schint
Schwebsch du inere ganz andere galaxie
Die gschichte zum schribe no aui uf mire to-do list (yeah)
Die lieder vo früener no aui i minere playlist (yeah)
Und wenni mir säge i schliesse die auge zum frei si (mhhh)
De merkeni wieder wie schwierig es isch so eleini si
Au mini fründe säge i muess lehre läbe ohni di
Aber dr himmu, das isch eh platz uf üsere erde nur mit ihre
Würd tusig mou stärbe zum di wieder i die arme schliesse
Jetzt hühli mit de wöuf am haubi füfi

Immer wenn dr Mond schiint tanzi fescht mit dir
Ligge znacht wach denk die ganzi zit ah di
Uhhhhhh
Säg bisch du irgendwo do? irgendwo do use
Immer wenn dr Mond schiint tanzi fescht mit dir
I cha di nid losloh i bringe das nid hi
Uhhhhhh
Säg bisch du irgendwo do? irgendwo do use

Wenn die schattechatze dür d nacht tigere
Und die taschelampe vor erde uf das dach schimmere
Si mini gedanke bi dir
Isch 22:22 weiss i du denksch a mi
Es isch immer e so gsi
E auerletschti strosselaterne lüchtet und spendet chli wärmi
Unendlichs universum
Ig ha so angscht, dass ig di do drinne eifach nie meh wiederfind
Mach mer eh gfaue, find du mi irgendwenn, irgendwie
Ob vorem nöchste endi oder nachem letschte afang spüut kei roue
Bis denn zöui die sterne am fenstersims
Die erschte vögu schicke dir mi standort
Und i putze d sunntigsschueh fürne nöchste Tango ufem Balkon
Tango ufem Balkon
Tanz mit dir dr Tango ufem Balkon

Immer wenn dr Mond schint tanzi fescht mit dir
Ligge znacht wach denk die ganzi zit ah di
Uhhhhhh
Säg bisch du irgendwo do? irgendwo do use
Immer wenn dr Mond schint tanzi fescht mit dir
I cha di nid losloh i bringe das nid hi
Uhhhhhh
Säg bisch du irgendwo do? irgendwo do use