Tray Ayisyen refijye

Ayisyen refijye ki sou kote lakay
Ak sa k lòt bò dlo tankou yon bann jwiferan
An nou reyini pou nou fè yon gwo miting
Ak lòt konsène pou n' fon ti reflechi
Nou se premye nwa ki trase lendepandans
Ann kole zepòl pou n' ka kenbe fyète sa a
Sonje byen se pat moun ki te ban n' libète
Yon jou va rive ya sispann refoule n'
Ayayay

O Bondye, gade mizè nou
Nan yon peyi kote n'ap pase tray
Tout kote n' pase yo toujou meprize nou
Kòm si nou son y'pèp ki san idantite
Menm si n'fè efò yo pap janm apresye nou
Konsa son y' fason pou n' pa janm evolye
Si n' met tèt ansanm se sèten nou va rive
O non de Jezu yon jou n' va libere

Ouuuuuuuu men koubaba
Poukisa se nou yo toujou ap shoute
Nwa pou nwa se vre se nou yo toujou pi pè
Paske n' ka batay pou n' kriye libète
Sa k' ap pouse ke l la ta renmen yo tyeke l'o
Nan tyeke, tyeke jenou n'fin dejwente o
Lè n' rive lakay yo, yo pa janm pran ka nou
Son y' fason yo vle fè n'regret dwa granmoun nou
Ayayay

O Bondye, gade mizè nou
Nan yon peyi kote n'ap pase tray
Tout kote n' pase yo toujou meprize nou
Kòm si nou son y'pèp ki san idantite
Menm si n'fè efò yo pap janm apresye nou
Konsa son y' fason pou n' pa janm evolye
Si n' met tèt ansanm se sèten nou va rive
O non de Jezu yon jou n' va libere

Ouuuuuuuuu men koubaba
Ala de traka pou moun ki pa gen kay
Nou tankou sovaj ki lage nan yon bann bwa
San konnen ki kote nou va rive bout
Nan chèche chèche n'al drive deyò lakay
Yo pouse do nou kòm bèt ki pral labatwa
Se paske n'se nwa plis ankò n'se ayisyen
Men n'konnen kanmenm sa pap kab ret konsa
Non non non

O Bondye, gade mizè nou
Nan yon peyi kote n'ap pase tray
Tout kote n' pase yo toujou meprize nou
Kòm si nou son y'pèp ki san idantite
Menm si n'fè efò yo pap janm apresye nou
Konsa son y' fason pou n' pa janm evolye
Si n' met tèt ansanm se sèten nou va rive
O non de Jezu yon jou n' va libere

Ouuuuuuuuu men koubaba
Menm andann peyi n' nou pa janm fin alèz
Yo fè nou travay yo pa janm vle peye nou
Depi sou kolon sa te toujou konsa
Yo bann randevou okontrè son y' gadavou
Yo pa t janm bezwen n'men se konesans nou
Lè n' mande pou yo yo fè di ke yo pa la
E leta pou yo, se nou k'toujou anba
Ayayayayayooooo

Toutotan n'poko mouri wi nou gen espwa
Yon espwa kape boujonnen libète

Se nan libète n'ap kab leve yon defi
Yon defi kote tout nasyon pral sezi

Si nou lapriyè n'ap kab gen ti kal konsyans
Yon ti kal konsyans k'ap fè n' sispann kraze

Nan sispann kraze omwen na kab reflechi
Se nan reflechi n'a sove Ayiti

Si n' met tèt ansanm n'a kraze tout desepsyon
Konsa men nan men na gen yon sèl solisyon

Pap gen lòt chemen pou pèsòn met divizyon
Kouda koudakoud n'a fini ak revolisyon