Dreck (Bonusdreck)

Horchts ma zua ihr Leit
I hob euch wos zu erzöhn
A wauns eich jetzt grod ned passt
Werd i euch a bissl Zeit stöhn
Denn wos i euch jetz sog
Des trifft jeden, jo a di
Und Interesse an Veränderung
Des herrscht gaunz sicherlich
Wir lebn in ana Zeit
In der wir ollas haum und doch
Gibt's in jeder Großgemeinde
Daun a irgendwo a Loch
In des Loch do kippt ma olles eine
Wos ma nimma wü
Und innerhoib vo kurzer Zeit
Wird's fia a Loch zu vü

Wir haum
Dreck in der Luft
Dreck unter da Erdn
Dreck in unsrem Essen
Wovo ma kraunk wern
Dreck in unseren Meeren
Dreck an unserem Stecken
Aun dem gaunzn Dreck
Jo do wer man no verrecken

Wir san recht weit kumma
San die Herrn auf dem Planetn
Die Froge is wie launge no
Woin wia eam in de Goschn trettn
Hoidn Rindsviecha und Hendln
So ois obs nur Schnitzel san
Doch das de Viecha a wos gspian
Des wissen scho de Klan
Bauen riesige Fabriken
So groß wia a klana Staat
Und fois durt daun doch scho Heisa stengan
Moch mas afoch plott
Die Fabrik braucht daun a Kroftwerk
Und des Kroftwerk mocht den Strom
Und weu es hoid so praktisch is
Spoit ma des Atom

Wir haum
Dreck in da Regierung
Dreck in unsrer Politik
Dreck in Friedenszeiten
Führen dreckigen Krieg
Dreck im World Wide Web
Dreck in unsrer Phantasie
Verkriech di waun du wüst
Doch dem Dreck entkummst du nie

Hoin mehr Fische ausm Wossa
Ois ma jemois essen kaun
Waund daun gor kane mehr do san
Dafia gibt's hoid no kan Plan
Blosn Dreck auffe in Himmel
Lossn Dreck o in den Fluss
Und des Wichtigste dabei
Dass man nimma segn jetz muas
Zum Schluss wü i eich no sogn
Es ist jetzt no ned zu spät
Drum seid's froh, schwingt's eichre Hüften
Weu no immer etwas geht
Faungts bei eich söba au
Setzt's dem Dreck amoi a End
Des Werkzeug hobt's jo scho
Kopf, Ohren, Augen, Mund und Händ

Mocht's kan
Dreck mit de Leit
Dreck mit dem Hirn
Dreck mit unsrer Natur
Waun werd's ihr des kapier'n?
Dreck mit eich söbst
Dreck mit eicham Vastaund
Denn unsere Zukunft
Haumma söbst in da Haund!