Stória Di Um P**o

Hoje ncria so pa sol pará brilha
Pan odja brilha so um strela la na céu
Pam odja boca tarde lodo cedo fitxa
E pa txuba bedjo binha txora morte kureu
Hoje ncria so pa oceano ka ixistiba
Pam ba Damaia abraçaba primo Léu
Pam ba djobeba lugar na undi terra stiba
Poi nha rosto la pa riba grita kuze vida fazeu
Oito ano sufrimento ta spera um rim
Puto ka cria pa se storia txiga fim
Hemodialise poi puto ta padece
Na kel spera é enlouquece
Num doador ka flal Sim
Ultimo bes ki k n odjal puto staba abatido
É flam nha mano djes tram kelotu rim
Ku corpo abalado menos ki trinta kilo
É fla nha mano fla nha mai ma inda nsta pa li

Lembra storia puto é mas ki storia é um liçom
Lembra storia puto é um storia duro
Tudo ki nta xinti é disilusom
Tudo ki nta xinti é dor na coraçom
Sodadi di volta sodadi di mata sodade
Nu ka ta podi
É mas um fidjo ki dja fica sem pai
É mas um mai ki sa ta txora pamodi

Puto pom corri na carrinho di madera
Puto pom munta biscleta sem travom
Puto contanu tudo storia fiticera
Dentu Txada puto roda moda piom
Puto cria dentu rua sempre cheio vida
Ku se dós dedo na boca sempre brincalhom
Vivi ku pressa moh ki se futuro putu advinha
Di scola putu ka conxi nem portom
Evacuado pa Portugal mas sempre ku mural
Nunca baixa cabeça mas quando é passa mal
Realiza sonho di tem se primero fidjo
Sunha tem saúde i força pe crial
Mas vida é madrasta vida nompresta
Poi puto vive ku cronometro dentu testa
Dotor flal dés ano pe atxa um doador
Na um caminhada ki so Deus xinti se dor

Lembra storia puto é mas ki storia é um liçom
Lembra sotria puto é um storia duro
Tudo ki nta xinti é disilusom
Tudo ki nta xinti é dor na coraçom
Sodadi di blacka sodadi di mata sodade
Nu ka ta podi
É mas um fidjo ki dja fica sem pai
É mas um mai ki sa ta txora pamodi