Duuster (feat. Flo Mega)

De Sünn geiht ut
Un de Maan steiht boven
Pickswatt, mi gruut
Eerstmaal na'n Kroog hen
Över Minschen ut'n Noorden
Kannst du seggen, wat du wullt
"Wokeen hier nich drinken doot
Is an sien Leven sülven Schuld"

Denn all up Stee
Un all up de Dischen
All een in'n Tee,
Un wi dortwüschen
Allns geiht, keen steiht
Up'n Swutsch, un up'n Krüden
Dien Geld is futsch?
Na dat mööt wi nomaal öven!

Dat Leven hier is duuster, zappen zappen duuster,
In Noorden steiht de Sünn nie
Un deswegen is de Heven riddi
Duuster, zappen zappen duuster,
In Noorden steiht de Sünn nie
Un deswegen is de Heven riddi
Duuster, zappen zappen duuster.

Ik mag dat mi to rögen
Ronald Rögen mag ik nich so
Ik mag jo to besöken
Länger blieven mag ik nich so
Ik mag wenn Sünn schient
Un sonnen Regen mag ik nich so
Ik mag 'n Buddel Rum
'N Buddel Rum: Proost.

Heff'n griesen Kopp
Un de Esel kummt all bi mi dör
Treckt sik wat tosamen
Fix verpieseln dör de Achterdöör
Kniep de Katt in Duustern
Un keeneen to sehn wiet un siet
Maak dat jüst as Küstennebel,
Kniep up na de Schummertied.

Hier is dat balkenduuster
Bannig diesig, beten dakig
Hier is dat Leven teemlich sinnig
Un du sühst de Sünn nich
Hier is de Heven gries un grau
De Lüüd af un an asig
Hier sünd wi nich eenfach bloots slau
Hier sünd wi plietsch - verdammich.

Wind weiht mit Maten oder flau
Ik föhl mi flau in'n Maag
Swind wedder swatt
Man duustern Morgen geevt de hellsten Daag
De Flow de megaduuster
Flo is mega – luuster!
Un wenn de Sünn vun'n Heven fallt
Denn sitt wi al all in'n Duustern.