Preguntas Pa Goleta

Yaya cuenta-me otra vez historietas d'ixa chent
Que baixaba d'os tozals pa minchar y pa beber
Por caminotz, no yera l'onso, y de navatas no'n teneban
Ni d'autos ni de machos, no teneban que as ideas
Con ninas a colicas indo cara Bielsa
Fuyindo d'o fascismo, fuyindo d'a guerra
Por ixes trafuqueros que por cuatro perras
Fan veyer que han olvidau qué pasó n'esta tierra
Ya no pueden pingoniar ni a os amigos abrazar
Pa fer un mundo mejor t'a valle hubon de marchar
Entre buixos y caixigos, vinada y pan ye a birolla
Ni pedregadas ni plomazos les sacón fuerza ni memoria
Canto pa qui no aceptó a victoria d'a inchusticia
Ni a paz d'os engarcholaus, d'a chent con fambre y d'as mentiras
Tu que conoces o poder y a peor cara que puede fer
Me sulse a sangre y me fa miedo que ya no nos ne charrez
¡Que se sienta o campanal, yo tamién me'n voi t'a selva!
No son fornigas en o culo, ye a existencia de consciencia
Ixa chent d'os tozals no yeran falorietas
Dion a suya vida por a resistencia
Si piensas que han marchau, mira-te as estrelas
Yo pienso que son ellos y ellas
¡Eh, eh, eh! ¿Qué carcanea n'a boira preta?
¡Eh, eh, eh! Una voz viene d'a tierra y d'as fuesas
¡Eh, eh, eh! Nos dice: "Qui no lucha mata ixas estrelas"
¡Eh, eh, eh! Nos chila: "Muerte a a suya victoria"
Muerte a a suya vitoria, ¡Muerte a a suya victoria!
Muerte a a suya vitoria, ¡Muerte a a suya victoria!
Muerte a a suya vitoria, ¡Muerte a a suya victoria!