Kopf

Weisst du wie es war
Als wir beim Antiquar
Das Büchlein fanden tausendweise Sprüche
Mir fällt einer ein
Der passt dort gut hinein
Mit der Zeit geht alles in die Brüche

Er isch sin eigete Endgägner, en Grenzgänger
Rennt wenn er erkännt, dass drängt er kännts ds Läbä
Finanzielli Ängst präged, d'Umständ erschwärets
D'Schiff isch nonig käntered au wenns rägned

Stürm über ds Land fäged, verlürter Kontrolle
Über ds Stüür oder isch d'Depression nur en chline Abstecher
Im Höch im Tüüf, seg laht er sich am End bräche
Oder machts ihn letztenend stärcher

Es sich Chopf oder Zahl, bliebt er da mos er gah
D'Hoffnig intakt, ds Schicksal nonig klar
Er het nur ad Uni welle, zum wägg vode Strasse
Abhängig vu Gras wills im Chopf sust nöd gaht

Er het glernt für sis Ziel scho vor vierehalb Jahr
D'Hanfalag nebdedrah raubt ihm öfters de Schlaf
Doch er bestaht, d'Prüefig und verlaht
Sini Heimat, nüe Ort und ä anderi Sprach

En nüe Alltag, ä nui Chance, einfürallemal
D'Vergangeheit - alles hinder sich lah
Er het d'Gwalt ih sim Bluet doch glernt als junge Mah
Sini Wuet z'kontrolliere bevor er drischlaht

Er isch ez Student die Welt isch ihm eigentlich fremd
Da sind alli so brav, herrsched anderi Tränds
Doch er lernt jede Mensch, het anderi Talent
En guete Abschluss macht dich nonig hochintelligent

Gits es Problem, gits ä Ursach und immer ä Lösig
Sprachustuusch er lernt ez Französisch
Nüi Ufgab, ja ds Läbä cha schön si
sie machts ihm französisch

Er het d'Faszination für Sprache entdeckt
S'il comprend pas, wird's direkt übersetzt
Wills Kulture vernetzt, nüi Spure entdeckt
Dich is Stuunä versezt, wiene Muusä im Bett

Und wenn er nachher schruubt ade Text
Sind's wie Schwiizer Uhre perfekt
Er handled nöd usem Affekt
Inere dreiste Welt immer struuberi Gsetz

De Mensch isch nurno dur ds Phone aktiv
Wird so passiv, wo führt das hi
Social media doch sust nömme kommunikativ
Du chasch vier Sprache rede, doch de Code bliebt de glich

Und so lernt er, wiemä Menschä liest, es isch ds'Gsicht
Es sind d'Auge, s'isch de Bligg, es sind Geste, es sind Tricks
Es sind Tipps es sind Ticks, es sich das
Wo d'Fassade verbirgt, jede het so sini Gschicht

En Stachel wo no sitzt
Welli Zunge nume Lüge vo sich git
Er merggt wer ume isch - wänds läbä würgli fickt
De ersti Idruck cha tüsche, es git nüt wos nöd git

2019 d'Menschheit erschrickt,
Gfolgt vo drü Jahr Covidpolitik
Lockdown, Maskepflicht - und die wo nie öppis z'sege kah hend
Werded plötzli Hobbypolizist

Wenn de Staat Rugge git, er isch churz verwirrt
Will ez en Impfstatus drüber entscheided wermer isch
Heisst Toleranz nöd - die andere Meinig respektiere
Au wenn sie halt mal nöd de eigete entspricht

Alli schreied uuf sobalds, die ersti Welt mal trifft
Sie verdients doch au, solangs no Hungersnöt git
Vorschuss, KMU's, es Jahr Galgefrist
Oder Schulde bis hüt wegem läbä uf Kredit

Er het scho früh hinderfragt, Rap isch Gsellschaftskritik
Nei er isch kein Pessimist
Keine, wo eifach ufzhalte isch
Underground Plattetaufi er spielt sini Gigs
Während Konzentrationsspanni witer sinkt

D'Prüefige am Arsch und keis Endi in Sicht
D'Schlingt eng und d'Welt im Würgegriff
Und au d'Drohne wo dobe schwirred, gsend plötzli nix
Er gseht selber was passiert wenn en Bull duretickt

Ä wehrlosi Frau, wo spitalriif gschlage wird
ide Medie heissts, das Grenzä gschlosse sind
Er gsehts ja selber, bi jedem Grenzübertriit
Er fühlt kein Hass - doch isch keine wo vergisst

Chrieg ir Ukraine und de nächsti Konflikt
Nüi Polemik, Covid wieder Gschicht
D'Medie de Zuehälter, Konsumente sini Bitch
Konzentrationsspani sinkt

Er het kein Bock meh zum lerne, will er's ständig versifft
De Griff zur Fläsche isch nöcher, au will er nöme kifft
Drum verwunderets nöd, dass er sitze bliebt
Soviel Bewerbige, ds lezte Geld scho verspielt

Nach all de Absage en Job, es Licht ide Finsternis
Doch sini Psyche liidet witerhin
Jedi Prüefig wird mental es riese Hindernis
Über ihm schwebt, ds Damoklesschwert

Schlaflosi Summernächt, sin nährbode Rap
Links rechts Jab, 10. Rundi kei Knockout,
Er bliebt ufde Bei, jedi Krise überlebt
Jede Morge het er Müeh scho zum ufstooh

nur Motivation zum schriebe ade Tracks
Mitstudente träumed vumne Job ade UNO
Er Beastmode im Freestyle-Rap
Läbenswiis schwarzwiis triebts öfters uf'd Spitze

Nöd nur mental werded Wunde ufgrisse
Schlitzt sich uf am Grenzzuu und bliebt fast ligge
Er wird zwunge und is Spital igwiise
Sini Fam isch ume gsi, idene schlimme Ziite

Sine Homie au - alli handled us Prinzipie
Loyalität trotz andere Sichtwiise
De eint zellt eh scho, sit langem zur Familie
Au er isch undedure aber macht immer witer

Und hets gschafft, sini Drogesucht besiege
Sie hend zeme gwohnt, teiled vieli Gschichte
Zum teile bruchsch nöd viel, hend beidi früeh begriffe
Ä geldgierigi Welt füehrt zum Hass uf'd Elite

Ahzug, Blazer, Krawatte mues sitze
Doch im echte Läbä voll die Pfiife
Kapitalismus die Arme müend liide
Er wett Dolmetscher werde, d'Frag isch, isch's sin Weg

Scho zueglah worde, er het scho icheckt
Nöd zum mit dene am gliche Tisch sitze
Sondern selber gseh, über wasmer so brichtet
Bestaht er nöd bliebt er uf de Zielgerade stah

Chopfsach die letzte vier Jahr füren Arsch
Chopfsach isch's au, wien er demit umgaht
Er het immer Plan B, er isch es Unikat

Es sich Chopf oder Zahl
Rational oder emotional
En schmale Grat, welle Pfad
Ds Resultat ide Tat ä Schicksalsfrag

Es sich Chopf oder Zahl
Rational oder emotional
En schmale Grat, welle Pfad
Ds Resultat ide Tat ä Schicksalsfrag

Schicksalsfrag, Schicksalsfrag
120 Bars
Schicksalsfrag, Schicksalsfrag
120 Bars