STK (feat. Paul So High)

Papa pansin ko lang napakarami nang mga maling ganap sa mundo
Mas magulo pa sa kapanahonan ni asiong laban kay golem don sa tondo

Tulad ng bawal na nga ang magtapon ng mga bagay na dapat wala sa daan
Na syang nagbara kung bakit baha sa pagbasak ng malakas na ulan uhh

Ano ba pwedeng gawin sabay sabay natin tong sagipin
Lahat tayoy may karapatang magpaliwanag sa gitna ng dilim

Sanay dinggin ang ating hiling wala na sanang nagmamagaling
At sa pagdating ng araw pagkuha sagana ang bunga ng mga tinanim

Kase palagay ko dito saatin ay kung wala kang maraming
Datong di ka gagalangin at kung bibilangin
Mo ay sa lalim ay kukulangain ka lang sa hangin

Hangarin ay sana palarin kung sinong nagsaing
Siya pa ung wala nang makain

Piliin ang lupang nais mo tapakan iba ang gusto sa pangangailangan
Tayo ay kumilos ating ipaglaban gamit ang ating mga nalalaman

Daming nasayang daming nanghinayang kung di lang sana natin hinayaan
At pinabayaan ang ating sarili sakopin ng potanginang kahirapan

Sa pag papaki usap pagmamaka awa ay kulang nalang lumuhod
Kahit na ayaw mo to na gawin ay kailangan paring sumunod

Sa utang lunod utang na loob maging patas naman kayo
Sa mga taong may pusong bukal handang mamatay para sa iba

Para san pa ang mga sakripisyo hindi to biro kaya
Kung puro bisyo ang mga isyu ayoko na magsalita

Daming pilipinong takot masangkot sa bagay na di ginawa
Dahil kahit na sino pwede managot ganto tayo sa ating bansa

Di na nga natin alam kung anong tama at sinong mali
Para balanse pano ibase ang utak ng tao ay dapat hati

Bandang kaliwa ay makasalanan at sa kabila napakabanal
Mainam sigurong matutu na tayong lahat sa tunay na pagmamahal

Ikaw ano sa tingin mo lagi ka nalang ba ganyan
Nagpapauto nagiging alipin bihag ng maling kalakaran

Mga patakarang sa kapakanan kuno ng bawat isa
Pakay ay magmagpakapal ng bulsa gaya ng pagmumukha

Puro puna at pangungumpara sarado ang diwa mulat mata
Bukas ang bibig ngunit tila di makarinig

Leeg di maigalaw kaya walang matanaw sa pinanggalingan
Silid na maginaw ay singaw ang sigaw ng napaginitan

Kung sino ang namahala ay tirang bahala
Sanhi ng kagipitan
Mga gantong galawan ay di dapat na ipagpaliban

Iba iba ang systema kaya ingat lang kung maaari
Walang disiplina ang sabi sa kadahilangan malaya kayong yumayari

Anong nangyari bakas parin at wala na bang lunas
Mga hugas kamay galamay ay gamay na kung pa ano mamosas

Hawak ang oras naku po! tato talo kahit na kadugo
Halos mabutas ang silyang masilyado sa bigat ng mga nakaupo

Nakakalungkot lumala na at lalong lumubo ang mga ganap
Mukhang kaharap ay dala dalawa sa dami ng mga panggap

Aking nasulat sumalungat nagpakatotoo bilang isang tapat
Sapagkat mga ito hindi para sayo SA TINGIN KO lang ho yan lahat