Tevou

Dr ton vom Tevou hani abgsteut
I luege no chli de Biudli zue
Gseh hanis eigetlech sit langem
Aber hüt schint eifach nüt z'sy mit dr Rueh

Um mi ume isch aus stiu
Ussert ds tropfe vom wasserhahne i dr chuchi uss
U i zünde mir zum einezwänzigschte mau di Letschti a
Zäppe no chli ume zwüsche Wiudweschter u Biuiggspass

Vor uf dr Houptschtrass fahre no paar Chäre
Hei oder chöme scho vo dert
U si, si lyt sicher no im Bett u schlaft
Nid so wi-n-ig eso verchert

Vieri haubi füfi, bi gäng no nid müed
Ds Zimmer isch vom Tevou blau erhäut
Schnäui Chäre schöni Meitischi u ganz viu Gäut
Ime chlyne Chäschtli esch platz für di ganzi Wäut

U i gseh Neuseeland ir Wohnwand, i gseh Tahiti u Hawaii
Aus isch nume knapp zwe Meter wäg vo mir
D Wäut so nach u paar Strasse wyter, da wohnsch du
U glych sis Liechtjahr bis zu dir

Langsam wirds häu u i wirde doch no müed
Mi düechts i ghöri d'Vögu oder si die numen i mim Gring
Nadisna pfuusen i ih, I ghöre no ihri Stimm
I hoffe i ghöri zu ire u si zu mir