Si Keh Vida

Ninguem ka ta kre
Ma eh si ke vida
Seu ku infernu eh li na terra
So bu ten ki lida
Uns ta nassi y otus ta morri
Eh si ke sina
Uns da vida pa ses morti
Undi nada ka brilia
Kaminhada as vez
N'sabi eh injustu
Na fim kel ku ta ama
Ke ta fazeu del difuntu
N'kre mas ki kela
Bu voz keh pa guian
N'kre mas ki kela
Bu voz ke pa kalman
Pa guian
Pa kalman
Bu voz keh pa guian

Anus dja passa
Ti hoji nka sara kel ferida
Basta um silensiu
Pa pon surdu
Y lembra kel notisia
Staba na aula
Du nada voz di nha Mai kerida
Um simana di Natal
N'perdi nha Pai kel dia
Y pa kompleta
Na interu eh txeu hipokresia
Munti bai pa kumi y bebi
Nha dor ses alegria
La ki nha ingenuidade
Pasa t'odja txeu porkaria
Oji mi eh friu
Falsidadi tornam si kel dia
Prendi ser forti
Oprimi tristeza
Nha vitamina
Notis em klaru
Sem sara odju
Pan ka odja bu ida
Txora pa dentu
Txeu magua
Pensamentu suicida
Obi voz di nha Mai ta fla
N'ta amou
Logu eh ta ameniza
N'prendi vivi n'um mundo
Ku podi fla me fantasia
Nha realidade eh felicidade
Undi odiu sa domina
Desdi la luta ku mundo
Poku a poku maldadi likida
N'fronta ami pan djuda otus
Konfortan ses alegria
Bu dexan riku karregadu
Paz y harmonia
Bu leban nha sorisu
Musica nha terapia
N'ta spera undi ku sta
Bu sa spadja bu magia
Su odjan ta erra
Libran kompanham na nha dia a dia
Mesmu feliz
Kel vaziu ta kontinua li pa sempri
Tudu dia n'ta guerra
Pan serba mo bo pa sempri
N'ta lembra klaru di kel merda dia
17 di Dezembro bu bai sem dispidida

Ninguem ka ta kre
Ma eh si ke vida
Seu ku infernu eh li na terra
So bu ten ki lida
Uns ta nassi y otus ta morri
Eh si ke sina
Uns da vida pa ses morti
Undi nada ka brilia
Kaminhada as vez
N'sabi eh injustu
Na fim kel ku ta ama
Ke ta fazeu del difuntu
Bu kre pan txora
Keh pa mundo
Sabi man teni dor
So pamodi luto
So pamodi luto

Dentu mi n'xinti um friu
Te oji em dia
Nha metadi bai ku
Bo nha Pai ate um dia
N'ka speraba vida dan rastera
Num piskar di olhus
Bu bai des manera
So bus fotos ka txigan
Pan limpa laguas
Lembra bu voz y mumentus
Pa ameniza maguas
N'kre mas ki kela
Bu voz keh pa guian
N'kre mas ki kela
Bu abrasu pa calman
Pa guian
Pa kalman
N'kre mas ki kela