El Mabda2

زميلي بيسأل عن المبدأ وقت المادة بيروح فين؟
ما شوفناكوش ليه وقت الزنقة، وقت الجد كنتوا فين؟
طلعوا قش، طلعوا خيش، طلعوا عملة double face
طلعوا زي الأغلبية، كلوا وما صانوش العيش

ما صانوش العيش والملح، ما صانوش
مكلكعين وما صافوش، دوروا على غيرنا ما لقوش
غلّوا بس ما غلوش (قولهم)، اصحوا معانا ما تناموش (قولهم)
شكل وهيئة على فشوش (قولهم)
كانوا بيدعوا ما نقوموش، بس النور مش هيشوفوه

خيانة، غدر ونفاق، بشر مكانهم تحت نعل الحذاء
دنيا ما تبصش بس وريني اللي معاك
وأنا مع الكاش في rendezvous
زميلي قاللي أنا معاك، تعدي وسط النار أنا هبقى هناك
دوس على الأندال كله بيتـ-، بس، بس، بس

زميلي بيسأل عن المبدأ وقت المادة بيروح فين؟
ما شوفناكوش ليه وقت الزنقة، وقت الجد كنتوا فين؟
طلعوا قش، طلعوا خيش، طلعوا عملة double face
طلعوا زي الأغلبية، كلوا وما صانوش العيش

فاقد (فاقد) الشيء لا يٌعطيه
حاسب في كمين (حاسب في كمين)
يسلموا عليك بإيد وفي التانية سكاكين
فيها لا أخفيها (آه) مش هكدب ع المايك
ودي ناس تديها وتبيعك وده lifestyle

أعدائي اتلموا على أعدائي، فيهم من بعض
ما الطيور على أشكالها تقع وده المتوقع
That means that I'm getting right, getting right
ناس مسحولة لأجل الـlike، ناس ع الـTikTok، ناس ع الـlive
عايزين نفهم إيه الحوار؟

زميلي بيسأل عن المبدأ وقت المادة بيروح فين؟
ما شوفناكوش ليه وقت الزنقة، وقت الجد كنتوا فين؟
طلعوا قش، طلعوا خيش، طلعوا عملة double face
طلعوا زي الأغلبية، كلوا وما صانوش العيش