روتين

بمسك كمشة وبحط لزين
ميزان خربان بس بعطي بالزبط ما بزيد
اي اشي، ولا حتى بالحكي
بسمع ما بشارك، يا دوب ارد ان شد الحديث
كتير بتشبه اهلك بس برضو كتير بعيد
الذكريات اللي ضلت من الراس بطير
مش شايف اللي فوقي ولا فارق ان راح صوتي
لمين اشتقت، للصدق خوفي
كنت حاضر كل جنوني،لما سنين انخطف لوني
هلق وقت انضف حولي من جديد

من لما كنت صغير فش روح للعيد
فش فرح بصير، بدون دم عالباب ما بحس فيه
منقضّيه مشاكل، بالمصاري سكاكين منجيب
منفوت الشارع ومنصيح وين الزلم فيه
مانا دائما واضح، تفهمنيش غلط ان كنت لطيف
كل سنيني راكض وهلق ماخدها عالخفيف
طريقي بايدي، برا ايدي في الف طريق
بحط غراضي بجيبي بمر بنص الحريق

كل اللي برابو هلق بدوروا عالسيط
اي مصاري ممكن تزيد
اي مسخرة بترقص مع كليب
انا بكتب كلشي بعيش، بتسمع مني قوافي
بيخلص التراك كنك بشوارعي مشيت
الكلمة اللي بقولها دايمة،
مش داير اكون الاحسن بين ناس نايمة
بموّن بارز والباقي عنها شهور صايمة
ما تقلي اختار، فش جنود بين الروس عالعناد قادرة
بسمعش غير البيت وقوافي براسي دايرة
ولو عيميني اشتباك ويساري زفة ماشية
بشيل البحتاجه معي، غراضي بكيسي كافية
بدخن الما بتشيلوه حتى لو روسكو فاضية

بايدي جوينت، قاعد لحالي
قلبت الدنيا والمنايك بدهم حل لمشاكلي
شوفني بطلع منها، شوف ثباتي
لقيت اشي من الصبر اللي اخد كل حياتي
عشت رحال شد الحمل دور
بيت بيت فندق كامب بيت وين؟ هدي بالي
خلص الخرى، بلشت اشتغل عحالي
سنين هامل كلشي كنت بقاتل لنجاتي
بين الخدر وبين الويل بتحس رح تنادي
من طيز الصبح لييجي الليل ونيسي افكاري
تارك كلشي وشايل الضغط ولا كإني مرتبط
بالف عي ومشكلة ومن امراضي ما طبت
اجا الخير بلة ريق من عطشي ما شربت
كل نهار تحدي اني فيق، وولا مرة خسرت
بعرف الف بس فش رفيق، ضخم بس صدري بضيق
عرفت الحلم من انا وصغير، بولا مرحلة طشت
مين بياخد من هالويل ويل هالليل ولمين منعطي من العين عين من غير ليه
الكلمة اللي بتنقال واقعة بين جبلين ومين عنده الدانين وجرأة ليطول الخيط