Novämber

Bin im Novämber uf d Wält cho
De Näbel isch nie ganz weg
Bin bis hüt mit allne Wulche
Per Du a dunkle Täg

Bin ufgwachse
Im'ne Holzhuus
Wo bitzli usgseht wi verquätscht
Und gang au hüt
Us noble Hüüser
Lieber weg

Zu eu
Wo au truurig sind
Und nöd wüssed, wiso
Zu eu
Wo immer dusse stönd
Als wär kei Iladig cho
Deet wo s Läbe spillt
Singed Stimme so wi eui
Im'ne Chor

Mir händ nie würklich Gäld gha
Für Ferien uf Hawaii
De alt Volvo und s Zält gna
Chli Wasser gstaut mit Stei

Han verträumt i di Wält gluegt
Ällei Musig glost dähei
Und bin au hüt
Wenn all so schissifröhlich tüend
De, wo verreist

Zu eu
Wo au langsam sind
Und nöd wüssed, wiso
Zu eu
Wo au kei Chole händ
Aber s Füür brännt
Liechterloh
Deet wo s Läbe spillt
Singed Stimme so wi eui
Im'ne Chor
Singed Stimme, so wi eui
Im'ne Chor
Singed Stimme, so wi eui

Wenn du weisch
Wi vill schwerer
Leeri Täsche sind
Wenn du weisch
Wi leer mer mängisch
Nach em Frässen isch
Wenn du weisch
Wi lang's cha gah
Bis Erde us Äsche wird
Denn passt dini Stimm
Zu min're Stimm
In Chor

Zu eu
Wo au truurig sind
Und nöd wüssed, wiso
Zu eu
Wo immer dusse stönd
Als wär kei Iladig cho

Zu eu
Wo au truurig sind
Und nöd wüssed, wiso
Zu eu
Wo immer dusse stönd
Als wär kei Iladig cho
Deet wo s Läbe spillt
Singed Stimme so wi eui
Im'ne Chor
Singed Stimme so wi eui
Im'ne Chor
Singed Stimme so wi eui
Im'ne Chor