Ciao Baby, Ciao

Wie seit mer ciao nach all dere Ziit
Seit mer ciao Baby, ciao
Wie seit mer ciao nach all'm, wo isch gsi
Seit mer ciao Baby, ciao
Git mer sich d Hand, hebt mer sich fescht
Oder küsst mer sich nomal
Wie seit mer ciao, wänn's ändgültig isch
Seit mer ciao Baby, ciao

Mir sind so fescht verwoben inenand
Hett nie dänkt, dass mir de Fade chönd verlüüre
Händ immer ufpasst und gluegt ufenand
Es isch gliich nüm s Gliich, wo mir jetzt gspüred

Han dich so gern und's git kein Grund, dich hüt z verlah
Wämer mal nüechtern überleit
Aber wer chan scho nüechtern überlegge und verstah
Wänn s Läbe grad mit Läbe um sich schmeisst

Wie seit mer ciao nach all dere Ziit
Seit mer ciao Baby, ciao
Wie seit mer ciao nach all'm, wo isch gsi
Seit mer ciao Baby, ciao
Git mer sich d Hand, hebt mer sich fescht
Oder küsst mer sich nomal
Wie seit mer ciao, wänn's ändgültig isch
Seit mer ciao Baby, ciao

Mir sind so fescht verwoben inenand
Wie so nen dicke, weiche Teppich vom Bazar
All die Fäde, die gönd nie meh usenand
Ganz egal, wie's chlöpft, wänn ich jetzt gah

Wer wott liebe, muess au truure, das isch en alte Pakt
Mir zwei händ gliebt us vollem Herz
Drum chum, ich heb di und ich brüele mit dir mit die ganzi Nacht
Und bin am andere Morge weg

Wie seit mer ciao nach all dere Ziit
Seit mer ciao Baby, ciao
Wie seit mer ciao nach all'm, wo isch gsi
Seit mer ciao Baby, ciao
Git mer sich d Hand, hebt mer sich fescht
Oder küsst mer sich nomal
Wie seit mer ciao, wänn's ändgültig isch
Seit mer ciao Baby, ciao
Ciao Baby