I be a Schwob (ond des isch guad so)

Do wo d'Sonna idd scheint sondern Blodra brennt
Wo ma's Vrdalle idd drenkt sondern schlotza duad
Wo's am Afdrmedig Grombiara geid
Jo do goht's mir guad
Em Schwobaland fial i mi wohl
Ond schwäbisch schwätza liegt mir em Bluad

I be a Schwob ond des isch guad so
I be a Schwob ond koin Kopf vom Fisch
Ond I schwätz naddirlich schwäbisch
Weil mir dr Schnabl so gwaxa isch
I be a Schwob Schwob on koin Preiß
Schwätz au en Hamburg schwäbisch
Gradmipfleis

Ja worom soll I Pfütze saga
Wenn's des scheane Wort Bädschlach geid
Wo andere kletterten und warfen
Do be I ghäzed ond do hau I keit
Häzed hot inzwischa mid gläddra nix zum doa
So said ma zum Kopfhearer heit

I be a Schwob ond des isch guad so
I be a Schwob ond koin Kopf vom Fisch
Ond I schwätz naddirlich schwäbisch
Weil mei Gosch so gwaxa isch
I be a Schwob mit Leib ond Seel ond Herzensbluat
Mach da Konjunktiv mit het ked däd ond wud

D'Fischkeppf saged Erbeerkonfitüre
I sag Bräschdlingsxälz - ond Xälz mit X
Auf nuideidsch sagt ma Shopping uff Schwäbisch
Mir guggad bloß mir kaufad nix
Dr Kaffee kommt bei eis aus ma Homba
ond d'Leabrwuschd us dr Bix

I be a Schwob ond des isch guad so
I be a Schwob ond koin Kopf vom Fisch
Ond I schwätz naddirlich schwäbisch
Weil mir dr Schnabl so gwaxa isch
I komm aus Oberschwaba idd aus Ost-Westfahla
I be idd geizig dur hald gar idd gära zahla

Mei Frau hodd neilich gsaid wenn se zwoi Baar Schua kaufd
Gäbs ufs zwoide 50 Prozent - ob I des au so guad fend
Do hau e gsaid Schätzle zieh de alde noamol a
dann sparsch sogar ten0 Prozent

I be a Schwob ond des isch guad so
I be a Schwob ond koin Kopf vom Fisch
Ond I schwätz naddirlich schwäbisch
Weil mei Gosch so gwaxa isch
I be a Schwob Schwob ond koin Hesse
Drom kommt dr scheanre Dialekt aus meiner Fresse

So - ond jetz wissedr au wieso I so schwätz wia I schwätz