Früelig

Är isch eso schlächt zwäg, är isch eso schlächt zwäg -
i erklären ech denn warum später, i säge mau gueten Abig, es isch rüehrend, es volls Hus.
E sones volls Hus isch doch fantastisch! Fasch es Huus, es Zält - immerhin!

Es isch ume Früelig
Es isch ume Früelig
Es isch ume Früelig
Es isch ume Früelig

Hallo Soundmönsch, tschou! Chani chli meh uf e Monitor ha, u zwar weniger Bäss u meh Höchene?
Es isch ume Früelig
Es isch ume Früelig
S chönnti no chli meh sy, bitte - hallo? Hallo Frontline?
Es isch ume Früelig - das isch scho ganz guet u nachhär müessti no echli vom Fränk ha...
Gib mal chli fortissimo, fantastisch! Eh, vom Balts o es bitzeli... vor allem d Gitarre, isch interessant.

Aah! Gueten Abig mitenand. Mir sy einisch nid elei: Dasch de Mich Gärber u de Fränk Gärber!
Zwänzg Jahr, zwänzg Jahr Chrämerhuus, dasch für üs o dänkwürdig - mi muess säge,
mir hei jahrelang hie gspielt, es het überhoupt nid rentiert, jetz si sovil Lüt -
i ha gar nid gwüsst wievil Iiwohner dass Langethal het, i gratulier euch zu däm.
Dasch nämlech würklech öppis wome mues hochhalte, i finds e wahnsinnig guete Klub!
U me gseet doch bim Chrigu* u mi gseet bi mir, we me sich irgendwie cha verankere u chli breiter wird, oder...
E richtige Wohlstand isch eigetlich weme meh Mitarbeiter het, derwäge simer hüt vieri.
U weme feisser wird, de merkt me, es geit guet mit dr Wirtschaft!
U itz isch sowieso Früelig, u stelled nech vor es isch Früelig... D Hormone spile wild... Me fragt sich nume:

Wie gani um? Wie gani mitem Mami ihrne Granium um?
Wie gani um, wie gani um, wie gani um, wie gani um?
Der Stoub vo de Birkepolle legt sich uf d Mandle, me het Stimmproblem
Aber s isch ume Früelig
Es isch ume Früelig
Es isch ume Früelig - si hei scho d Granium duss
U ir Stadt spile d Indianer Flöte u di Junge küsse am Fluss
Nume i hocke i dr Wonig, zwüschen üs isch Schluss
Los, i gloub dä Früelig wird für mi ke grosse Gnuss

U d Hippis spile Frisbee u die Jodler jodle voll Luscht
Numen i ha dr absolut Fruscht i dere Früeligsbluescht
U ou dr Schissdräck vom letschte Hochwasser hei si scho dännegruumt
I däm Land trifft's gäng di Unschuldige, das bin i mer scho gwöhnt

Du sigisch gäng bi mir u würdisch gäng bi mer si
U glych hocken ig alei vor mym Zwöier Wy
Ja u d Liebi, die isch ewig - solang si het
Drum ligt o en angere näbe dir im Himelbett

Es isch ume Früelig, es isch ume Früelig
Es isch ume Früelig - also d Stärchi vo däm Text isch eidütig im Refrain
Es isch ume Früelig, es isch ume Früelig

Mir hei di alte Sibesache guet verhänkt
Mir hei di gschänkte Rösser scho lang wytergschänkt
U dr Räscht, dä mues i mer schänke, nie hätt i mir das dänkt
Mir hei die gschänkte Rösser a angeri wytergschänkt

U im Troumlexikon sueche mir üsi Tröim
U di Zugvögu vögle ide Chirschiböim
U überall, überall nume Lache, nume mir geit's schlächt
U dr nächscht richtig Früelig chunnt früechestens im Herbscht

Es isch ume Früelig!
U me mues dra dänke, mi mues eifach dra dänke, zum Bischpil a d Ernährig.
Ässit doch meh Salöt! Chli Salöt, also Rindfleischsalöt, Ochsemuulsalöt, Cervalatsalat!
Eh, i ha Cervelat nid eso gärn, eso wahnsinnig durebräätlet, aber zäme mit Chääääs!
Mit Chääs im Salat hani se verruckt gärn,
verruckt verruckt verruckt verruckt verruckt verruckt verruckt verruckt
verruckt verruckt verruckt verruckt verruckt verruckt...
Merci