Madiswiler-Hymne

Ufe Schuttplatz, mit Kollege go
U derbi es paar schööni Flangge schloh
Das isch drum de no viu vorcho
Und ou meischtens simer ohni Bau heicho
Üsi Konf, jo das weisi no
Isch ir schönschte Chile gsi vo do
Jo das weiss I de ganz genau
Ihres lüte ghört me vo überau
Ob Schutte, Hockey oder Billiard
Oder we du wosch de haut es Dart
E gueti Ziit zäme ha isch s Ziu
De geisch I Saloon uf Madiswiu
Aus Madiswiler kennsch d Rüebechiubi oh
Di losch dir sicher nid lo entgoh
Dert chasch sogar e Stung lenger feschte
We mi frogsch isch das öppis vom Beschte

(Ja, Ja, Ja)
Madis, Madis, du hesch mis Härz
Bini wiit wäg ja de hani Schmärz
A däm Ort bisch sicher nie ellei
Ob I blibe oder gah nume du ellei
Ja Madis du bisch mis Doheim
Hi füehle ni mi so frei

Ja es Hotel, das hei mir ds Madis oh
Muesch haut eifach mau I Bäre cho
Dä isch zwar ender für d Gniesser do
U für die wo grad nid möge stoh
Wosch chli meh de geisch haut gschider mau
Mitem Zug uf Langetau
Vo dert Züri, Oute oder Bärn
Doch du weisch in Madis schiint di Stärn
Brötlet heimer mängisch oh
Ih Zilacher a Süüdhang simer cho
Dert hets öppe mau es Bierli gäh
Ja di Ziit vo denn cha üs niemer neh
Id Jungschi simer mängisch no
Für nes Röiber u Poli ischmä zämächo
Ja dä Ort dä het üs so viu gäh
Es wär schaad vo däm nüt witer z gäh

(Ja, Ja, Ja)
Madis, Madis, du hesch mis Härz
Bini wiit wäg ja de hani Schmärz
A däm Ort bisch sicher nie ellei
Ob I blibe oder gah nume du ellei
Ja Madis du bisch mis Doheim
Hi füehle ni mi so frei

Madis, do isch mis doheim
Madis, do bisch nie ellei
Jo di Ortschaft isch für gross u chli
U definitiv e place to be
Ds Madis füehle ni mi so frei
Nach Madis füehre mi mini Bei
Do fingsch aues wod bruchsch für di
Für jede Mönsch ob du oder ig

(Ja, Ja, Ja)
Madis, Madis, du hesch mis Härz
Bini wiit wäg ja de hani Schmärz
A däm Ort bisch sicher nie ellei
Ob I blibe oder gah nume du ellei
Ja Madis du bisch mis Doheim
Hi füehle ni mi so frei

Ja da hie isch mis Daheim
Wi gseit hie fühle ig mi frei
So schön a däm Ort hie dörfe z sii
Wiu ih e stouze Madiswiler bi
Ja da hie isch mis Daheim
Wi gseit hie fühle ig mi frei
So schön a däm Ort hie dörfe z sii
Wiu ih e stouze Madiswiler bi