Keep On

Ich hock nümme zockend vor Konsolegames
Hüt triffsch mi nümme bsoffe ade Openairs
Han no paar Jordans 11 im Gstell
Doch hüt weissi nümm welli ich mier negscht Monet hole chent
Bi nümm dinn i dere Snaeker-Bubble
Dete bini duss wi releaste Platte
Plus sind hüt nümm meh Platte
I mim Plattegstell as vor 10 Jahr
Heisst vor öppe 10 Jahr hani di letscht kauft gha
Ich han de Fast geg de Alnatura Food tuuscht
Hockeymatch werded am Fernseh und nümm i de Curva Sud gluegt
Hüt chunds vor, dassi ipenn und de Match verschlaf
Doch bini wieder wach hani ned s'Gfühl ich heigi was verpasst
Au no hüt freutmi en Derbysieg
Nu wenns andersch chund ischs hüt zum Glück
Nümm so dass d'Welt in Scherbe liiht
Ich bin no Fan doch es schint so
As hätti Abstand müsse neh, und stoppe - nüd meh mit keep on

Will fascht alles hätt es End gnoh
Mit fascht allem hani Schluss gmacht
Nume d'Musig hätt mer kein gnoh
Die wird blibe bisi druff gah

Hami vo Fraue trännt und Fraue händ sich vo mier trännt
Han falsche Mensche mis Vertraue gschänkt, Schluss gmacht
Doch vorher zerscht mal fett id Scheisse glängt
Ned ufpasst
Mänsche traut wo bis as Läbesänd mier nümm begegägne wennd
Hüt zählt Family meh bruchi nümm
Han mini Troim müsse begrabe vore Telli-B Reunion
Und sgliche gilt für DMöchtegang, e Schiibe wirds wohl nümme nümme geh
Denn bliibed mer halt eifach Fründe
Au wennmers andersch lieber wär
Und wenns glich anderscht chund, liebend gern, en Gruess ad Gäng
Ich han glernt sLäbe isch keis Wunschkonzert
Doch d musig chamer niemert neh
Will es schiint so
Dass au wenn all stopped und hörred
Ich glich wiitermache keep on

Will fascht alles hätt es End gnoh
Mit fascht allem hani Schluss gmacht
Nume d'Musig hätt mer kein gnoh
Die wird blibe bisi druff gah