Wär dänkt a Wiehnachte a mi?

I wünsche dir e wunder
Wunderschöni Wiehnachtszit
Mit hunderttusig Gschänkli für di
Und no vüu meh
I wünsche dir e wunder
Wunderschöni Wiehnachtszit
Ig hoffe du dänksch chli a mi
Nume e chli
S letschte Päckli no ablade
Scho Rüggeschmerze vom Sackcharre
Wüu vor paar Johr het dr Rudolf mir gseit
Im Winter isch ihm z chaut
Und die Lüt hei doch gar nümm würk Freud
A de Sache wo mir bringe
Sie hei scho vüu zvüu
Und chöi das gar nümm fiire
I verdrücke mir e Träne
Wüsch chli Staub vo mim Mantu
Bevor i no es letschtsmou das Cheminée aberütsche
I wär jo gärn blibe fürne Kaffi odr Tee
Aber d Muetter schickt mi furt
D Chinder söue mi nid gseh
Und es duet es bizli weh
Es duet wieder e chli weh
Säg mir
Wär dänkt a Wiehnachte a mi?
Wär dänkt a Wiehnachte a mi?
Wär dänkt a Wiehnachte a mi?
I laufe hei düre Stadtpark
Triffe es paar Fründe
Wo hüt gar nid fiire
Normalerwies würd ig jetzt e chli bi ihne blibe
U brichte was chunnt und was gsi isch
Aber hüt, aber hüt, aber hüt
Isch mer nid drnach
Es müeds Lächle und ig winke ab
Laufe witer chume hei
Unter mim Weihnachtsbaum ligt es Gschänkli ganz elei
Vo mir, für mi
I zünde mir es Cherzli ah
Mache e chli Musig ah
Bis i nachem dritte Glas vom Rotwii ischlafe
Frohi Wiehnachte
I wünsche dir e wunder
Wunderschöni Wiehnachtszit
Mit hunderttusig Gschänkli für di
Und no vüu meh
I wünsche dir e wunder
Wunderschöni Wiehnachtszit
Ig hoffe du dänksch chli a mi
Nume e chli
Säg mir
Wär dänkt a Wiehnachte a mi
Wär dänkt a Wiehnachte a mi
I sitz bi mir deheim, niemer isch bi mir
I fiire ganz elei, nume ig
Wär dänkt a Wiehnachte a mi
Wär dänkt a Wiehnachte a mi
I sitz bi mir deheim, niemer isch bi mir
I fiire ganz elei, nume ig