Balam Mukundam

KARĀRAVINDĒNA PADĀRAVINDAṀ MUKHĀRAVINDĒ VINIVĒŚAYANTAM**vaṭasya patrasya puṭē śayānaṃ bālaṃ mukundaṃ manasā smarāmi ॥ 1 ॥

saṃhṛtya lōkānvaṭapatramadhyē śayānamādyantavihīnarūpam ।
sarvēśvaraṃ sarvahitāvatāraṃ bālaṃ mukundaṃ manasā smarāmi ॥ 2 ॥

indīvaraśyāmalakōmalāṅgaṃ indrādidēvārchitapādapadmam ।
santānakalpadrumamāśritānāṃ bālaṃ mukundaṃ manasā smarāmi ॥ 3 ॥

lambālakaṃ lambitahārayaṣṭiṃ śṛṅgāralīlāṅkitadantapaṅktim ।
bimbādharaṃ chāruviśālanētraṃ bālaṃ mukundaṃ manasā smarāmi ॥ 4 ॥

śikyē nidhāyādyapayōdadhīni bahirgatāyāṃ vrajanāyikāyām ।
bhuktvā yathēṣṭaṃ kapaṭēna suptaṃ bālaṃ mukundaṃ manasā smarāmi ॥ 5 ॥

kalindajāntasthitakāliyasya phaṇāgraraṅgēnaṭanapriyantam ।
tatpuchChahastaṃ śaradinduvaktraṃ bālaṃ mukundaṃ manasā smarāmi ॥ 6 ॥

ulūkhalē baddhamudāraśauryaṃ uttuṅgayugmārjuna bhaṅgalīlam ।
utphullapadmāyata chārunētraṃ bālaṃ mukundaṃ manasā smarāmi ॥ 7 ॥

ālōkya māturmukhamādarēṇa stanyaṃ pibantaṃ sarasīruhākṣam ।
sachchinmayaṃ dēvamanantarūpaṃ bālaṃ mukundaṃ manasā smarāmi ॥ 8 ॥

In Sanskrit
करारविंदेन पदारविंदं मुखारविंदे विनिवेशयंतम् ।
वटस्य पत्रस्य पुटे शयानं बालं मुकुंदं मनसा स्मरामि ॥ 1 ॥

संहृत्य लोकान्वटपत्रमध्ये शयानमाद्यंतविहीनरूपम् ।
सर्वेश्वरं सर्वहितावतारं बालं मुकुंदं मनसा स्मरामि ॥ 2 ॥

इंदीवरश्यामलकोमलांगं इंद्रादिदेवार्चितपादपद्मम् ।
संतानकल्पद्रुममाश्रितानां बालं मुकुंदं मनसा स्मरामि ॥ 3 ॥

लंबालकं लंबितहारयष्टिं शृंगारलीलांकितदंतपंक्तिम् ।
बिंबाधरं चारुविशालनेत्रं बालं मुकुंदं मनसा स्मरामि ॥ 4 ॥

शिक्ये निधायाद्यपयोदधीनि बहिर्गतायां व्रजनायिकायाम् ।
भुक्त्वा यथेष्टं कपटेन सुप्तं बालं मुकुंदं मनसा स्मरामि ॥ 5 ॥

कलिंदजांतस्थितकालियस्य फणाग्ररंगेनटनप्रियंतम् ।
तत्पुच्छहस्तं शरदिंदुवक्त्रं बालं मुकुंदं मनसा स्मरामि ॥ 6 ॥

उलूखले बद्धमुदारशौर्यं उत्तुंगयुग्मार्जुन भंगलीलम् ।
उत्फुल्लपद्मायत चारुनेत्रं बालं मुकुंदं मनसा स्मरामि ॥ 7 ॥

आलोक्य मातुर्मुखमादरेण स्तन्यं पिबंतं सरसीरुहाक्षम् ।
सच्चिन्मयं देवमनंतरूपं बालं मुकुंदं मनसा स्मरामि ॥ 8 ॥