Mia glangt daß i woaß daß i kannt

I kannt jetzt ja
Drei mal verreisen
Um meim Nachbarn zu beweisen
Dass i mia des
Vei leistn konn
Des dauernde in Urlaub farhrn
Und damit a jeder siagt
Dass i in Urlaub war
Flack i mi vierzehn Tog lang nur ind Suhuna

In da Mittagshitzn
Werd i mi quäln
Und am zehntn Tog scho des dritte mal schäln
Nur damit mi dahoam
Dann'd Leid oredn und sogn
Hey bist du braun wann bist in Urlaub gwen

Na na
Na na
Für sowas bin i ned geborn
Wenn Gott gewollt hätt
Dass i bruzl
Dann war i doch a Hendl worn

Da hock i liaba unterm Sonnaschirm auf der Terrassn
Mit ahm guadn Gfui
Nix zum verpassn
Weil mia gfoits dahoam
Nämlich a ganz guad
I muass ned dauernd in Urlaub furt

Na mir glangt dass i woaß dass i kannt wenn i woin dad
Aber i tuas ned
Weil i muaß ned
Weil mir glangt
Dass i woaß dass i kannt

I kannt jetzt schee aufbrezlt vor eich steh
Mit ahm kurzn Reckerl und ahm Wahnsinns Dekolleté
Dass sich a jeder denkt der jetzt da vor mir steht
Hey leck mich am Arsch die Schwarzmann des ist ein Gerät

Na na
Na na
Für sowas bin i ned geborn
Mi stundenlang aufbrezln dass i guad Ausschau
Da hab i wirkli was bessas zum doan

Weil mir glangt dass i woaß dass i kannt wenn i woin dad
Aber i tuas ned
Weil i muaß ned
Na mir glangt
Dass i woaß dass i kannt

Und i kannt mit meiner Zeit manchmal sinnvoller umgeh
Und in da Friah da kannt i manchmal Friara aufsteh
Aber dann bleib i doch wieda lieng
Weil i ma denk

Ja mir glangt dass i woaß dass i kannt wenn i woin dad
Aber i tuas ned
Weil i muaß ned
Weila mir glangt
Dass i woaß
Dass i kannt