Manst wirklich (Remastered)

Ob i wiaklich bin waß i wiaklich net,
oba wia kennt i a,
i waß jo meistens net amoi da wievüte heite is.

Wos gestern woa gibt's heite nimma
und ob des wiaklich woa,
des waß i leidergottes heit scho nimma mea.

Und so vageht di Zeit
und wos scheinboa is,
des nennt ma daun die Wiaklichkeit.

Und waun i mi aus de Augn valia,
und mi söba suachn geh,
daun find i oft so vü wos net grod originell is.

Daun find i Büda,
de oft scho gmoit wuan san,
nua dass de Foabn bei mir, woascheinlich duachs Klima,
a bißl ausgwoschn san.

Und so vageht di Zeit
und wos scheinboa is
wiad unscheinboa zua Wiaklichkeit.

Fia mi gibt's kann Weg
und a ka Richtung,
weu des Zü net ausgsteckt is
und weu meistens no dazua da Gegenwind waht.

Egal, wo mas probiert,
wiaklich is nua da Gedaunke,
weu dea so a bißl wos von da Ewigkeit besitzt.

Und so vageht die Zeit
und wos scheinboa is
wiad unscheinboa zua Wiaklichkeit.