'O Ccafè

O latte è buono e a ciucculata è doce
E pure a cammumilla bene fa
Rinfresca ll'orzo e 'o vino fa felice
E sulo ll'acqua 'a sete fa passa

Ma nu milione e ggente
E Napule comm'e mme
Nun vonno sape' niente
E campano c"o ccafè

Ah, che bellu cafè
Sulo a Napule 'o sanno fa
E nisciuno se spiega pecché
È 'na vera specialità
Ah, che addore 'e cafè
Ca se sente pe' 'sta città
E 'o nervuso, nervuso comm'è
Ogni tanto s'o va a piglia, eh!

Comme nasce tu siente 'o bebè
Che dice, "Nnguè nguè, nu poco 'e cafè"
E l'inglese se scorda d'o thè
Se viene a sape' 'nespresso che d'è

Ah, che bellu cafè
Sulo a Napule 'o sanno fa
E accussì s'è spiegato 'o pecché
Ca pe' tutta a jurnata
'Na tazza, poi 'n'ata, s'accatta, se scarfa
Se beve 'o cafè

Pe vevere 'o cafè se trova 'a scusa
Je l'offro a 'n ato e 'n ato l'offre a mme
Nisciuno dice no pecché è 'n'offesa
So' già sei tazze e songhe appena 'e tre

Ma mentre faccio 'o cunto
'N'amico me chiamma: "Ue'!"
E aspetta nu momento
Vevimmece nu cafè

Ah, che bellu cafè
Sulo a Napule 'o sanno fa
E nisciuno se spiega pecché
È 'na vera specialità
Ah, che addore 'e cafè
Ca se sente pe' 'sta città
E 'o nervuso, nervuso comm'è
Ogni tanto s'o va a piglia

Comme nasce tu siente 'o bebè
Che dice, "Nguè nguè, nu poco 'e cafè"
E l'inglese se scorda d'o thè
Se viene a sape' 'nespresso che d'è

Ah, che bellu cafè
Sulo a Napule 'o sanno fa
E accussì s'è spiegato 'o pecché
Ca pe' tutta jurnata
'Na tazza, poi 'n'ata, s'accatta, se scarfa
Se beve 'o cafè

Ind'a jurnata na tazza, poi 'n'ata, che crema t'a rat
Sta tazza 'e cafè