Madame falena

Gh'è una dona setàada giò in soel bordu de la veranda
La dùnda soe la cadrèga che urmai la crìcca cumè i so oss,
La facia de cucudrìll senza pioe lacrima senza pioe deenc,
Un vermouth, un zìcch de turta e una zanzaara soel brascialett
Gh'è una dona setàada giò in soel bordu de la veranda
La diis che g'ha mea voeja de vedè chi la và a truvà,
Una volta la nàva in giir cul foulard e giàca vèrta
Adèss per la sua memoria l'ha giamò preparaa el badiil
MADAMM MADAMM FALENA
CUN'T EL COER CHE SE GIRA DE SCHENA
MADAMM MADAMM FALENA
SE PO' MEA SCAPA' IN ALTALENA
Gh'è una dona setàda giò in sol bordu de la veranda,
La g'ha in cràapa un capèll de paja per mea fa' vede' i pensee,
Al tramonto la sona el banjo che uramai g'ha una corda sula
La canzòn a l'è sempru quèla e gnànca el diavul la voer sentì
Gh'è una dona che sàra i oecc ma segùta a vedè una scèna,
La segùta a vedè la facia che la gh'era nel medagliòn,
Gh'era el prèvet e i testimoni i mazz de fiuu e anca la banda,
Ma lo sposo dietro al fienile, l'era scapaa foe del medaglion
MADAMM MADAMM FALENA
I BISS I G'HANN MAI LA CADENA
MADAMM MADAMM FALENA
TENAJA CUN LA BUCA PIENA
Gh'è una dona setàada giò so sta cazzo de 'na veranda
L'è vestiida ancamò de spusa, la g'ha in man ancamò el fusiil
Il suo anello è quel grilletto che ha infilato solo una volta
Un tempuraal de un seguund e mezz e un boecc in un bell vestii