Mesh Zay El Aflam

رن تليفونه بغنوة بتفكره بيها
كانت شغالة أول مرة عينيه تلاقيها
ولما رد كان بقاله ساعة مستنيها
قالتله: "أنا خارجة، ينفع لبكره نخليها؟"

من سكات خد الفشار ودخل
دخل يتفرج على فيلم كان هبل
ما رضاش يخش الفيلم التاني من غيرها
رغم إنها لو في مكانة ما كانش هيجي في تفكيرها

من سكات خد الفشار ودخل
دخل يتفرج على فيلم كان هبل
ما رضاش يخش الفيلم التاني من غيرها
رغم إنها لو في مكانة ما كانش هيجي في تفكيرها

كام مرة رجعت بليل كلمته؟ قالتله قد إيه في يومها افتكرته
وكلامها ده هز قلبه وفرحه ونساه إنها في الأيام دي نسيته
أصلها قالتله يستنى ويصبر عليها
وإنه هيجي يوم من الأيام تيجي إيده في إيديها

مش عارف ليه بتحكيله في مرة على واحد تاني
ولما قالها: "إزاي؟"، قالتله: "ما تبقاش أناني
أنا مش ممكن أحبك وإنك لازم تنساني"

ما قالتلهوش ليه بس من وقتها؟
ما صدقهاش من كتر ما كان بيحبها
لكن طلعت آه ركناه عالرف
وطلع هو آه واقف في الصف

وأتاري الدنيا مش حلوة كلها
مش زي الأفلام اللي هو بيحب يخشها
وأتاري الدنيا مش حلوة كلها
مش زي الأفلام اللي هو بيحب يخشها

فتح عينيه بعد ما كانت مغمضة
وقد إيه كان ظالم نفسه في كل ده
بس في يوم هيلاقي ست ستها
وهتحبه أكتر ما كان هو بيحبها

ما قالتلهوش ليه بس من وقتها؟
ما صدقهاش من كتر ما كان بيحبها
لكن طلعت آه ركناه عالرف
وطلع هو آه واقف في الصف

وأتاري الدنيا مش حلوة كلها
مش زي الأفلام اللي هو بيحب يخشها