Solnedgang

Næer soel dæj går nier bagve trajer* å bakker
Så blywer dar såntj en roev*.
Låntj hæen kan maj høer no folk dar snakker
Å åent stæ bøler en koev*.
Suelsotten synger en siest meloditj
Så steel å så blidt
Ejen dawi er forbitj*.

Så svulmer met seej* å met hjaet* det bånker
Mens a går søjen te nøest*.
Der kan a sto me' mæsiel å min tånker
Å hjaet dar sloer i met bryst.
A gleer mæ øwer det lyev* a hår fåt
Det passer mæ godt
Siel om osse det ka vær håt.

A stoer lisse steel imens soel dæj forsvejer
Å himlen vo illende rye*.
Å eej i met bryst, der som hjaet det lejer*
Der ulmer å brajer* en glø.
Det er selve trången te lys å te lyev
Me' øer å yev*
Dæj er vånsklæ å beskryev.

A vil nok beskryev dæj, a hår i gue villi*
Men hvis det sku ku la sæ jøer.
Så sku a ha vaet i poesklilli*
Så gul som nytjaent smør.
Såntj i bette trompet å guel*
Dar dukker å muel
Å spiller om sommer å suel.

*) Trajer = træer
*) Roev = ro
*) Åent stæ bøler en koev = andetsteds brøler en ko
*) Ejen dawi er forbitj = inden dagen er forbi
*) Seej = sind
*) Hjaet = hjerte
*) Søjen te nøest = syd for kostalden
*) A gleer mæ øwer det lyev = jeg glæder mig over det liv
*) Illende rye = ildrød
*) Lejer = ligger
*) Brajer = brænder
*) Me' øer å yev = med ører og øjne
*) Gue villi = god vilje
*) Poesklilli = påskelilje
*) Nytjaent = nykærnet
*) Å guel = af guld