Ies kan liehn

Op een kolde winteravond, as 't vrus as 't bast
Op de vievers en de bekken glimt 't ies as glas
Op de bulten van de Hummelse hei ligt een dik pak snee
Op de losse plekken in het bos loopt sporen van een ree

D'n onbewolkten winterloch, die lik meer peers dan blauw
A-j buuten iets te doene hebt, dan doe je 't bliksemsgauw
De kniens en de fazanten die scharrelt deur 't kruppelholt
De streupers die blieft binnen, 't is eur völs te kold

Ies kan liehn, ies kan liehn
Margen goat wi-j schaatsen riehn
Ies kan liehn, ies kan liehn
Ik heb der lange noar uutgezien

't Holt dat knetterd in de kachel, 't is der lekker heit
Noa de koffie kump de foezel, i-j krupt dichter bi-j ow meid
En as der goed gezoppen wurt, de verhalen die goat in het rond
Bi-j 't fornuus, bunt 't helden, allenig met den mond

Ies kan liehn, ies kan liehn
Margen goat wi-j schaatsen riehn
Ies kan liehn, ies kan liehn
Ik heb der lange noar uutgezien